„ევროპული საქართველოს“ წევრმა გიგა ბოკერიამ საქართველოს პრემიერ-მინისტრობის კანდიდატ  გიორგი კვირიკაშვილს  კანონის ის ჩანაწერი წაუკითხა, სადაც საუბარია, რომ დეპუტატის მოთხოვნის შესაბამისად,  მინისტრი ვალდებულია,  საკანონმდებლო ორგანოში მივიდეს.

ბოკერიას თქმით, მინისტრები ერთი წლის განმავლობაში,  დაბარების მიუხედავად, პარლამენტში არ მისულან.

გიორგი კვირიკაშვილის განცხადებით, მათ არც ერთ ეტაპზე პარლამენტისადმი უპატივცემულობა არ გამოუხატავთ. პრემიერობის კანდიდატი ამბობს, რომ მინისტრები შესაძლოა, გამოძახებისთანავე პარლამენტში მისვლას ვერ ახერხებენ. ამასთან, გიორგი კვირიკაშვილი ოპოზიციას მოუწოდებს, მგრძნობიარე თემებით მანიპულირებისგან თავი შეიკავონ, რადგან იმ დროს მთავრობის წევრებმა,  შესაძლოა, საჯარო განხილვას თავი შეგნებულად აარიდონ:

„ჩვენ არ დაგვიფიქსირებია პარლამენტისადმი უპატივცემულობა, მინისტრთა კაბინეტის წრვრები შეიძლება გამოძახებისთანავე ვერ მობრძანდნენ ხოლმე პარლამენტში და კანონით არ არის განსაზღვრული, რა პერიოდში უნდა მოვიდნენ. ამიტომ ჩვენ არასოდეს გამოგვითქვამს უარი, რომ თქვენთან კონსტრუქციულ განხილვაში ჩავერთოთ. მაგრამ სამწუხაროდ, ხშირად ოპოზიცის მხრიდან ხდება ხოლმე ისეთი მგრძნობიარე თემებით მანიპულირება და პოლიტიზაცია, როდესაც სახელმწიფოებრივ ინტერესებს ეხება ხოლმე საქმე და ასეთი შემთხვევა არაერთი ყოფილა.არ დაგიმალავთ, ასეთ დროს, შეიძლება შეგნებულად საჯარო განხილვას თავი ავარიდოთ“,-განაცხადა გიორგი კვირიკაშვილმა.

მან დაადასტურა, რომ მინისტრებს პარლამენტში უფრო ხშირად ნახავენ:

 „საპარლამენტო რესპუბლიკაზე მთლიანად ქვეყნის გადასვლასთან ერთად თანდათანობით იცლვება კომუნიკაციის სიხშირეც და ხარისხიც. ეს მნიშვნელოვანი ცვლილებაა, რომელსაც მინისტრთა კაბინეტი თანდათან ახორციელებს და დარწმუნებული ვარ, ამას თქვენც დაინახავთ. ჩვენ ალბათ უფრო ხშირად ვიქნებით პარლამენტში უმცირესობის ფორმატშიც და უმრავლესობის ფორმატშიც. თქვენც მოგიწოდებთ, ძალიან მგრძნობიარე საკითხი როცაა და არ ღირს მანიპულირება, უფრო სახელმწიფოებრივად მიუდგეთ“, - მიმართა გიორგი კვირიკაშვილმა ოპოზიციას.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა