„ჩვენს ახლად შექმნილ სამინისტროსთან ერთად და სამართალდამცავი სტრუქტურების ჩართულობით, ომს ვუცხადებთ საქართველოში უკანონო ტყის ჩეხვას“, - ამის შესახებ პრემიერ-მინისტრმა გიორგი კვირიკაშვილმა პარლამენტში, კომიტეტების გაერთიანებულ სხდომაზე უმცირესობებთან შეხვედრაზე სიტყვით გამოსვლისას განაცხადა.

როგორც კვირიკაშვილმა აღნიშნა, გამოყოფილია რესურსები, რომ ტყის აღრიცხვა და ინვენტარიზაცია მოხდეს. 

„სოფლის მეურნეობის სამინისტროს გარემოს დაცვის სამინისტროსთან შეერთებით ძალიან  მნიშვნელოივანი ნაბიჯი გადაიდგა ბევრი კუთხით. ეს იქნება მსხვილი ძლიერი სამინისტრო, რომლშიც გარემოს დაცვის მიმართულებას ერთმნიშვნელოვნად  ძალიან დიდი პრიორიტეტი ექნება. ეს იქნება ასევე სამინისტრო, რომელიც უზრუნველყოფს მთლიანად მთელი ჩვენი ქვეყნის სასოფლო სამეურნეო წარმოების, მწვანე კონცეფციის ქვეშ გარდაქმნას  და თანდათანობით მეტი ეკოლოგიის სტანდარტის დანერგვას.

რა თქმა უნდა გამოწვევები ამ მიმართულებით ბევრია  და მინდა გითხრათ, რომ ერთ-ერთი უმნიშვნელოვანესი გამოწვევა  გახლავთ ტყის უკანონო ჩეხვა. ჩვენს ახლად შექმნილ სამინისტროსთან  ერთად და სამართალდამცავი სტრუქტურების ჩართულობით ომს ვუცხადებთ  საქართველოში უკანონო ტყის ჩეხვას.  ეს არ არის ლიტონი სიტყვები,  თქვენ ამის შედეგებს დაინახავთ,  ჩვენ გვაქვს ნამდვილად არასახარბიელო მდგომარეობა, პირველ რიგში ამ მიმართულებით რესურსია გამოყოფილი, რომ ტყის აღრიცხვა, ინვენტარიზაცია მოხდეს, გერმანიის მთავრობა გვეხმარება, გვიფინანსებს ამ მიმართულებით გასაწევ სამუშაოს, მაგრამ სისტემურად სწორი მართვა და სწორი კოორდინაცია სხვადასხვა უწყებებს შორის იქნება ძალიან მნიშვნელოვანი. ამ მიმართულებით კიდევ ერთი მნიშვნელოვანი თვისობრივი ცვლილებები იქნება.

სოციალურ მდგომარეობასთან ერთად იკვეთება სოფლად  უკანონო ტყის ჩეხვა და რა თქმა უნდა ჩვენ ერთის მხრივ უნდა  გავამკაცროთ, მაგრამ მეორეს მხრივ ალტერნატივები უნდა შევქმნათ ძალიან სწრაფი ტემპით, რათა მოხდეს უკანონო  ტყის ჩეხვის და  რეწვის ჩანაცვლება ალტერნატიული საშუალებებით“,-განაცხადა გიორგი კვირიკაშვილმა.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა