„ევროპული საქართველოს“ წევრმა სერგი კაპანაძემ  იუსტიციის მინისტრ თეა წულუკიანს ვანო მერაბიშვილთან დაკავშირებით ევროპული სასამართლოს გადაწყვეტილების თაობაზე დაუსვა შეკითხვა.

კაპანაძის თქმით, ევროპულმა სასამართლომ მე-18 მუხლის დარღვევა დაადგინა, რაც მერაბიშვილის გათავისუფლების საფუძველი უნდა გახდეს. მან იუსტიციის მინისტრს მიმართა კითხვით, აპირებს თუ არა, რომ  მერაბიშვილი ციხეში დატოვოს:

„თეა წულუკიანს, პირველ რიგში, მინდა მივულოცო, ერთადერთი მინისტრია საქართველოს ისტორიაში, რომლის მინისტრობის დროსაც მე-18 მუხლის დარღვევა დაადგინა ევროსასამართლომ. მე-18 მუხლის დარღვევა აქამდე სადაც იყო დადგენილი, ევროპის სხვა სახელმწიფოებთან მიმართებაში, ან ყველა ტუსაღი იქნა გათავისუფლებული, ან მინისტრთა კომიტეტმა მოუწოდა ქვეყნებს, რომ გაათავისუფლონ ეს ტუსაღი. აპირებთ თუ არა,  რომ კიდევ უფრო მოსალოცადაც გქონდეთ საქმე და მერაბიშვილი დატოვოთ ციხეში და გახდეთ ერთადერთი მინისტრი მთელი ევროპის მასშტაბით, რომლის მინისტრობის დროს გამოტანილია მე-18 მუხლის დარღვევა და პატიმარი აგრძელებს ციხეში ჯდომას“,-მიმართა კაპანაძემ თეა წულუკიანს.

იუსტიციის მინისტრის განცხადებით, სტრასბურგის სასამართლომ მერაბიშვილი პოლიტპატიმრად არ სცნო, რაც ოპოზიციისთვის სამწუხაროა. ამასთან, წულუკიანი მიიჩნევს, რომ მერაბიშვილმა ციხე არ უნდა დატოვოს, რადგან სასჯელს იხდის:

„რაც შეეხება ვანო მერაბიშვილის საქმეს სტრასბურგში, მე ვიზიარებ თქვენს პოლიტიკურ მწუხარებას იმასთან დაკავშირებით, რომ თქვენ ვერ შეძელით სტრასბურგის დიდი პალატისთვის გეთქმევინებინათ, რომ ვანო არის პოლიტიკური პატიმარი.

პირიქით, დიდმა პალატამ თქვა, რომ ის არ არის პოლიტიკური პატიმარი. რომ მის დაკავებაში არც ამჟამინდელ პატიმრობაში პოლიტიკური ნიშნები არ იკვეთება.კითხვა იცით ჩემსავით კარგად, ვთქვათ, რომ ჩემზე უკეთესადაც და წაიკითხეთ. ის, რომ მე-18 მუხლი დაირღვა, ეს არ არის ის,რ ასაც თქვენ ელოდით, თქვენ ელოდით პოლიტიკური პატიმრის სტატუსის მიცემას სტრასბურგის სასამართლოს გავლით, ეს ვერ მოახერხეთ და მე ამ მწუხარებას ვიზიარებ.ვანო უნდა გამოვიდეს თუ არა ციხიდან, მე თუ მეკითხებით, მე ვფიქრობ, რომ ის არ უნდა გამოვიდეს იმიტომ, რომ იხდის სასჯელს, ეს არის ორჯერ ორი ოთხი“,-განაცხადა წულუკიანმა.

მთავრობის განახლებული  შემადგენლობა პარლამენტში ნდობის მისაღებად იმყოფება.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა