„გავემიჯნეთო იძახით, მაგრამ იზრდებით მენტალურად ისევ ადეიშვილის ჩრდილში და იმ იდეოლოგიის ქვეშ ხართ“,-ასე მიმართა იუსტიციის მინისტრობის კანდიდატმა თეა წულუკიანმა „ევროპული საქართველოს“ წევრებს, რომლებმაც მას ელექტრონულად საქმეების განაწილების შესახებ კანონის მოქმედების ვადასთან, ვანო მერაბიშვილთან და ახმედ ჩატაევთან დაკავშირებით შეკითხვები დაუსვეს.

„ელექტრონულად საქმეების განაწილების შესახებ კანონის მოქმედებას ნუ გადაავადებო  მოუწოდებს თავად კანინმდებელი აბესაძე იუსტიციის მინისტრს და არ იცის, რომ იუსტიციის მინისტრი კანონს არ ცვლის თავად კანონმდებელმა. ვანოს რატომ ტოვებ ციხეშიო,  ჩხუბობს ბატონი კაპანაძე მაშინ, როდესაც იუსტიციის მინისტრი ციხეებს არ განაგებს და მას კანონით არ აქვს უფლებამოსილება, ვინმე ჩასვას ან გაუშვას ციხიდან,  უცნაურია ეს მოთხოვნა. პროკურატურის ხელმძღვანელი კბილაშვილი კი იყო, მაგრამ გაფრთხილებო მეუბნება გიგა ბკერია ეს არავითარ შემთხვევაში არ ახსენო და თქვი, რომ შენ იყავი პროკურორიც და მოსამართლეცო, რა გჭირთ? გავემიჯნეთო იძახით, მაგრამ იზრდებით მენტალურად ისევ ადეიშვილის ჩრდილში და იმ იდეოლოგიის ქვეშ ხართ. მე მზად ვარ, თქვენ დაგეხმაროთ აწყმოს უკეთ გაგებაში. კერძოდ, დიახ, იმ დროს  პროკურატურამ სასამარtლო დარბაზში დააყენა შუამდგომლობა, ჯერ იყო გირაო თუარ მეშლება, შემდეგ უკვე ბრალის შესახებ შუამდგომლობა. პროკურატურამ და სასამართლომ ეს გადაწყვეტილება მიიღეს. მაშინ თქვენი გაფრთხილების მიუხედავად ( ბოკერიას მიმართავს) ვახსენებ, რომ მაშინ ბატონი კბილაშვილი იყო მთავარი პროკურორი.თქვენთვის წარმოუდგენელია, რომ იუსტიციის მინისტრი არ ერეოდეს პროკურატურის საქმიანობაში. ამიტომაც ხართ ჩარჩენილი წარსულში და დიახ, ჩვენ გვქონდა გენ პროკურორს და მთავარ პროკურორს აზრთა სხვადასხვაობა, მაგრამ სასამართლო დარბაზში გამოდიოდა პროკურორი, რომელმაც მთავარი პროკურორის პოზიცია გააჟღერა. ბატონო გიგა, ნუ ღელავთ, მე მესმის, რომ თქვენ ძალიან გწყინთ, იუსტიციის მინისტრი იყო ჩატაევის ციხიდან გამოსვლის წინააღმდეგი იმიტომ, რომ ეს თქვენთვის პოლიტიკურად წამგებიანია. გაიგეთ ის, რასაც ვამბობ. თუ არ გაიგებთ, დარჩებით წარსულში“,-მიმართა „ევროპული საქართველოს“ წევრებს თეა წულუკიანმა.

მთავრობის განახლებული  შემადგენლობა პარლამენტში ნდობის მისაღებად იმყოფება.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა