საქართველოს მთავრობის ადმინისტრაციაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე არჩილ ყარაულაშვილი  შვედეთის საგარეო საქმეთა სამინისტროს აღმოსავლეთ ევროპისა და ცენტრალური აზიის დეპარტამენტის დირექტორის მოადგილე ტერეზ ჰიდენსა  და საქართველოში შვედეთის ელჩ მარტინა ქვიქს შეხვდა.
შეხვედრაზე მხარეებმა საქართველოს ევროკავშირში ინტეგრაციის პერსპექტივები და ამ კუთხით განსახორციელებელი ქმედებები განიხილეს. არჩილ ყარაულაშვილმა აღნიშნა, რომ  საქართველოს მიერ ასოცირების შესახებ შეთანხმებით ნაკისრი ვალდებულებების განხორციელების მიზნით გასატარებელი რეფორმები და ღონისძიებები მთავრობის მიერ დამტკიცებული გეგმის შესაბამისად მიმდინარეობს და ამ კუთხით  პროგრესი უკვე არსებობს.
თავის მხრივ, შვედური მხარის მიერ გამოითქვა მზაობა საქართველოს ევროპული  ინტეგრაციის პროცესში შესაბამისი დახმარების აღმოჩენის თაობაზე. განხილულ იქნა დახმარების შესაძლო მიმართულებები.
მხარეებმა შეხვედრისას ასევე, განიხილეს რეგიონში არსებული უსაფრთხოების მდგომარეობა უკრაინაში მიმდინარე მოვლენების ფონზე. ყურადღება გამახვილდა საქართველოში და რეგიონში რუსეთის მიერ წარმოებულ ანტი-დასავლურ პროპაგანდაზე და საქართველოს მოსახლეობის ევროკავშირში ინტეგრაციის სარგებლის შესახებ ინფორმირების აუცილებლობაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება