პარლამენტის პლენარულ სხდომაზე  დღეს პირველი მოსმენით საქართველოს პარლამენტის რეგლამენტის პროექტი განიხილეს.

წარმოდგენილი ცვლილებით, პარლამენტის წევრების მიერ განცხადებებით გამოსვლის შესაძლებლობა გათვალისწინებულია ყოველ პლენარულ სხდომაზე, დღის წესრიგის დამტკიცების შემდეგ, 1 საათით.

ეს დრო სხდომის თავმჯდომარის გადაწყვეტილებით,  გამომსვლელთა რაოდენობის შესაბამისად შეიძლება გაგრძელდეს არაუმეტეს 30 წუთით.

უფრო კონკრეტულად, რეგლამენტის წარმოდგენილი პროექტით, განცხადებების გაკეთების შესაძლებლობა აღარ არის შეზღუდული მხოლოდ პლენარული სხდომების კვირის ოთხშაბათით და ამ უფლებით პარლამეტის წევრები ისარგებლებენ პარლამენტის მორიგი პლენარული სხდომების კვირის ნებისმიერ დღეს.

„საქართველოს პარლამენტის რეგლამენტის მოქმედი ჩანაწერი საკმარისად ვერ უზრუნველყოფს დეპუტატების ნებას, გააკეთონ განცხადება მიმდინარე აქტუალურ საკითხებზე. პროექტის მიზანია, პარლამენტის უფრო მეტ წევრს ჰქონდეს რეალური შესაძლებლობა, როგორც სახელმწიფო-პოლიტიკური თანამდებობის პირმა ისარგებლოს პლენარულ სხდომაზე განცხადების გაკეთების უფლებით და შეაფასოს ქვეყნის საშინაო თუ საგარეო პოლიტიკის მნიშვნელოვანი საკითხები“,-ნათქვამია კანონპროექტის განმარტებით ბარათში.

საპროცედურო საკითხთა და წესების კომიტეტმა აღნიშნულ ინიციატივას მხარი არ დაუჭირა. კომიტეტის თავმჯდომარის გიორგი კახიანის განცხადებით,  კანონპროექტი სამართლებრივად დაუხვეწავია:

„რეგლამენტის პროექტში წერია - პარლამენტის წევრების მიერ განცხადებების გაკეთება ყოველ პლენარულ სხდომაზე დღის წესრიგის დამტკიცების შემდეგ. დღის წესრიგის დამტკიცება ხდება ყოველი პლენარული სხდომების კვირის ოთხშაბათ დღეს. დღის წესრიგს თავიდან ვამტკიცებთ მხოლოდ იმ შემთხვევაში, თუ რაიმე ცვლილება შედის ამ დღის წესრიგში. სამართლებრივადაც კი ხარვეზიანია ეს პროექტი. რომც მიგვეღო ეს პროექტი, ვინაიდან დღევანდელ დღეს ჩვენ დღის წესრიგი არ დაგვიმტკიცებია, დღეს თეორიულადაც, სამართლებრივადაც ასეთი განცხადებები ვერ გაკეთდებოდა“,-აღნიშნა გიორგი კახიანმა.

მისი ვარაუდით, დეპუტატებს განცხადებების გაკეთებასთან დაკავშირებით უკმარისობის განცდა არ უნდა ჰქონდეთ.

საქართველოს პარლამენტის რეგლამენტის პროექტის ინიციატორი  საპარლამენტო ფრაქცია „საქართველოს პატრიოტებია“, ხოლო ავტორი-პარლამენტის წევრი  ნატო ჩხეიძე.

ავტორი: ,

სოციალური ქსელები

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა