სოფლის მეურნეობის მინისტრის  ლევან დავითაშვილის განცხადებით, საუბარი  თანხების დიდი  რაოდენობით დაზოგვაზე და პენსიებზე მიმართვაზე, ოპონენტების მხრიდან წამოწყებული სპეკულაციაა.

დავითაშვილის თქმით, ცვლილებების მიზანი, პირველ რიგში  მართვის ეფექტურობის  გაზრდაა:

"თანხებს რაც შეეხება, ხშირ შემთხვევაში ეს არის სპეკულაცია ოპონენტების მხრიდან წამოწყებული. როდესაც საუბარია განსაკუთრებით პოპულიზმით გაჯერებულ ფრაზებზე, თანხების დიდი რაოდენობით დაზოგვაზე, პენსიებში მიმართვაზე და ა.შ. პირველ რიგში ამოცანა არის ამ შემთხვევაში ეფექტიანი მართვა, უფრო მეტი შედეგი გვქონდეს, საბოლოოდ კი ეფექტიანობა იზომება რა დანახარჯებით რა შედეგს ვაღწევთ და არა იმაზე, რომ ჩვენი თვითმიზანი იყოს ვინმეს სამსახურიდან გაშვება. ოპტიმიზაცია კადრების კუთხითაც, რა თქმა უნდა, მოხდება. გაორება ფუნქციების ვერ იქნება. ორი ადმინისტრაცია ერთ სამინისტროს ვერ ეყოლება, და ბუნებრივია, ორი ერთი და იგივე მხარდაჭერის დეპარტამენტებიც ვერ ეყოლება. აქ მარტივად წარმოგვიდგენია ოპტიმიზაცია. თუმცა, ფუნქციური მიმართულებები გასაძლიერებელი გვაქვს", - განაცხადა დავითაშვილმა.

გარემოს დაცვის სამინისტროს უერთდება სოფლის მეურნეობის სამინისტრო და გარემოსა დაცვისა და სოფლის მეურნეობის მინისტრის პოსტს ლევან დავითაშვილი დაიკავებს.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს