საქართველოს პრეზიდენტის გიორგი მარგველაშვილის შეფასებით, ქვეყნის ტერიტორიების ოკუპაცია ისტორიული უსამართლობა იყო. ამის შესახებ პრეზიდენტმა Deutche Welle-სთან ინტერვიუში განაცხადა.

როგორც მარგველაშვილმა აღნიშნა, რუსეთმა საქართველო იმის გამო დასაჯა, რომ ქართველმა ერმა დამოუკიდებლობა და თავისუფლება ისურვა.

"ჩემი ქვეყნის ოკუპაცია არ მომხდარა 2008 წელს, როდესაც რუსეთის შეიარაღებული ძალები საქართველოს ტერიტორიაზე შემოიჭრნენ. ოკუპაცია 90-იანების დასაწყისში, საბჭოთა კავშირის დაშლის პირველ წლებში, მოხდა. მაშინ, 26 წლის წინ საქართველო დამოუკიდებლობის გზაზე დადგა. 90-იანების დასაწყისიდან საქართველოში ხდებოდა ის, რასაც დღესდღეობით ჰიბრიდულ ომს ეძახიან. ეს ის ომია, რომელიც ევროპული აუდიტორიისთვის ძალიან კარგად არის ცნობილი. ამის მაგალითი დღეს უკრაინაში არსებობს. 2008 წელს, რუსეთმა ჩვენი რეგიონები დაიკავა და 2 კვირის შემდეგ მათი ე.წ. დამოუკიდებლობა აღიარა", - განაცხადა გიორგი მარგველაშვილმა.

პრეზიდენტი თვლის, რომ საქართველომ რუსეთის მიმართ ფრთხილი პოლიტიკა უნდა აწარმოოს.

""უკრაინა დამოუკიდებელი, სუვერენული სახელმწიფოა და მის შიდა პოლიტიკაში ჩარევა არ მინდა. არ მინდა შეფასებების გაკეთება. ვუსურვებ უკრაინას დემოკრატიის გაძლიერებას და ისეთ პოლიტიკოსებს, რომლებიც ქვეყნის ინტერესებს მოემსახურებიან. ჩვენ უნდა ვიყოთ ძალიან ფრთხილები, რადგან როგორც იცით საქმე გვაქვს რუსეთთან. ნებისმიერი ქვეყანა, რომელსაც საქმე აქვს რუსეთთან, განსაკუთრებით ჩვენს პრობლემურ რეგიონში უნდა მოიქცეს ძალიან ფრთხილად, რომ რაიმე სახის პროვოკაციას არ წამოეგოს. ასევე, იმისათვის, რომ შეინარჩუნოს მშვიდობა ჩვენს ჩრდილოელ მეზობელთან, რომელიც არის მსხვილი სამხედრო და ბირთვული სახელმწიფო. ფრთხილად მოქცევა ნიშნავს იყო დაკვირვებული და მოერიდო ნებისმიერი სახის კონფლიქტს რუსეთთან. ჩვენ უნდა დაველოდოთ ისტორიულ მომენტს, როდესაც შევძლებთ ჩვენი ტერიტორიული მთლიანობისა და სუვერენიტეტის აღდგენას. ისტორიული მომენტი ბერლინის კედლის დაცემაა. ეს მომენტია, როდესაც ხალხს ეძლევა შესაძლებლობა ხელოვნურად შექმნილი კედლები დაანგრიოს. მავთულხლართები ჩვენს ტერიტორიაზე ბერლინის კედლის ანალოგია. ასეთი მომენტი ჯერ არ დამდგარა, ამიტომ ქვეყნის განვითარებაზე ზრუნვა უნდა გავაგრძელოთ.  უნდა გავაგრძელოთ მუდმივი დიალოგი იმ მოქალაქეებთან, რომლებიც ოკუპირებულ ტერიტორიებზე ცხოვრობენ. ჩვენ ხელი უნდა შევუწყოთ ამ ხალხის უფრო მეტ ინტეგრაციას ჩვენს საზოგადოებაში და ასევე, შევქმნათ ქვეყანაში სტაბილურობის განცდა. არ მინდა კონკრეტული ტერმინების გამოყენება, თუმცა შემიძლია ვთქვა, რომ პირადად ჩემთვის ასეთი ისტორიული მომენტი დადგება მაშინ, როდესაც რუსული პოლიტიკური ელიტა შეწყვეტს ლოზუნგებით საუბარს და აგრესიულ განცხადებებს აღარ გააკეთებს", - განაცხადა მარგველაშვილმა.

ავტორი: ,

სოციალური ქსელები

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება

მადიარმა ორბანის მიერ გამოცხადებული საგანგებო მდგომარეობა გააუქმა

პირველკლასელთა ტერიტორიული პრინციპით რეგისტრაცია 15 მაისს დაიწყება

ტრამპმა სი ძინფინი სექტემბერში თეთრ სახლში მიიწვია