ბიძინა ივანიშვილი დღემდე არის ძალიან მნიშვნელოვანი ფაქტორი ქართულ პოლიტიკაში, მაგრამ ის დისტანცირებულია პოლიტიკური პროცესებისგან, - ამის შესახებ საქართველოს პარლამენტის თავმჯდომარემ ირაკლი კობახიძემ გადაცემა "რეაქციაში" განაცხადა.

კობახიძის განმარტებით, სწორედ ამ მიზეზით ბიძინა ივანიშვილი საარჩევნო კამპანიაში არ მონაწილეობს.

„ბატონი ბიძინა ივანიშვილი არის "ქართული ოცნების" დამფუძნებელი, თუმცა მისი გაცხადებული მიზანი იყო დისტანცირება პოლიტიკისგან. მან ეს გაკეთებული განცხადება შეასრულა. როგორც კი გამოჩნდება ბიძინა ივანიშვილი საჯარო სივრცეში, მაშინვე საუბრობენ არაფორმალურ მმართველობაზე, როგორც კი არ გამოჩნდა, პირიქით, საუბრობენ, რატომ არ გამოჩნდა ბიძინა ივანიშვილი. კიდევ ერთხელ ვამბობ, ბიძინა ივანიშვილი არის „ქართული ოცნების“ დამფუძნებელი. დასამალი არ არის, რომ ის არის დღემდე ძალიან მნიშვნელოვანი ფაქტორი ქართულ პოლიტიკაში, მაგრამ ის არის დისტანცირებული პოლიტიკური პროცესებისგან. შესაბამისად, ამ კონტექსტში თავისუფლად ჯდება ის, რომ ბატონი ბიძინა ივანიშვილი არ მონაწილეობს საარჩევნო კამპანიაში. ბიძინა ივანიშვილმა პასუხისმგებლობა აიღო პირველ ოთხწლიან ციკლზე. დღეს პოლიტიკურ სისტემას აქვს იმის რესურსი, რომ გაგრძელდეს თავისთავადი განვითარების პროცესი “, - განაცხადა ირაკლი კობახიძემ და დასძინა, რომ ივანიშვილის გადაწყვეტილება იყო პოლიტიკური პროცესებისგან, მათ შორის, მერობის კანდიდატების შერჩევისგან დისტანცირება.

"ეს იყო თავად ბიძინა ივანიშვილის ნება - დისტანცირება პარტიული პროცესებისგან და ამ ნების შესაბამისად იმოქმედა, პარტიის ხელმძღვანელმა", - აღნიშნა კობახიძემ. 

ავტორი: ,

სოციალური ქსელები

ნავთობისა და გაზის კორპორაციაში გაცემულ 7 მილიონზე მეტი პრემიების საქმეს პროკურატურა იძიებს

საფრანგეთის ყოფილი პრემიერი გაბრიელ ატალი წიგნის En homme libre-ს გამოქვეყნების შემდეგ ჰომოფობიური თავდასხმების სამიზნე გახდა

პარლამენტმა მამუკა მდინარაძისთვის უფლებამოსილების ვადამდე შეწყვეტის საკითხს მხარი დაუჭირა

ბოჭორიშვილმა ევროკავშირის ელჩი ახსნა-განმარტებისთვის დაიბარა