საქართველოს შეიარაღებული ძალების სახმელეთო ძალების დასავლეთის სარდალი სამუშაო ვიზიტით გერმანიის ფედერაციულ რესპუბლიკაში იმყოფებოდა.

თავდაცვის სამინისტროს ინფორმაციით, პოლკოვნიკმა მიხეილ სადუნიშვილმა III ქვეითი ბრიგადის 32-ე ბატალიონის „ალფა“ ასეული მოინახულა, რომლებიც გერმანიის შეიარაღებული ძალების „ვილდფლეკენის“ სამხედრო ბაზაზე „გადამწყვეტი მხარდაჭერის“ მისიისთვის გადასროლისწინა წვრთნას გადის.

პოლკოვნიკმა მიხეილ სადუნიშვილმა საწვრთნელი ბაზა დაათვალიერა და ქართველი სამხედრო მოსამსახურეების მომზადების პროცესს გაეცნო. მან სამხედრო მოსამსახურეებს საქართველოს შეიარაღებული ძალების დღე მიულოცა და 24 ჯარისკაცი ,,საქართველოს თავდაცვის სამინისტროს სისტემაში უმწიკვლო სამსახურისათვის" II და III ხარისხის მედლებით დააჯილდოვა. დასავლეთის სარდალმა გერმანული ბატალიონის მეთაური, ვიცე-პოლკოვნიკი უვე ბუშერი მედლით - „გენერალი კვინიტაძე“ დააჯილდოვა.

„ვილდფლეკენის“ სამხედრო ბაზაზე ქართველი სამხედროები მომზადებას ივნისში დაასრულებენ. გერმანელი ინსტრუქტორების მეთვალყურეობის ქვეშ, ქართველი სამხედროები ინდივიდუალურ, ოცეულის და ასეულის დონის მომზადებას გადიან. ხუთთვიანი სწავლების განმავლობაში, ქართულ ასეულს ბუნდესვერის ჯარისკაცებთან ერთად კომბინირებული და სიტუაციური წვრთნებიც უტარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიათა ქსელებს 30 000 ლარამდე ფინანსური ზარალი მიაყენეს - დაკავებულია 6 არასრულწლოვანი

შსს: მესტიაში დამატებით 17 ე.წ. მაინერი ამოვიღეთ - 3 დღეში ჯამში ამოღებულია 212

უკრაინულმა დრონებმა პეტერბურგი დაბომბეს, დააზიანეს წყალქვეშა იარაღის წარმოების მთავარი ინსტიტუტი

NBC News: პენტაგონმა ისრაელის მხრიდან კონტრდაზვერვის საფრთხის დონე უმაღლესამდე გაზარდა