უკრაინის პრემიერ-მინისტრის ვლადიმერ გროისმანის განაცხადებით, საქართველოს მესამე პრეზიდენტის მიხეილ სააკაშვილის საქმე არა უკრაინის მთავრობის, არამედ უკრაინის სამართალდამცავი ორგანოს კომპეტენციაში შედის, - ამის შესახებ პრემიერ-მინისტრმა კიევში გამართულ ფორუმზე განაცხადა. 

ამასთან, გროისმანმა ოდესის ყოფილი გუბერნატორი გააკრიტიკა და აღნიშნა, რომ სააკაშვილის მიერ რაიმე გატარებულ რეფორმებს ვერ ხედავს. 

„არ ვიცი, როგორ უნდა მოვიქცეთ სააკაშვილთან მიმართებით. მე არ ვიცი, ასეთ სიტუაციებში როგორ იქცევიან. ვიცი, როგორ უნდა დაიგოს გზა, როგორ უნდა ჩაიდოს ინვესტიცია ეროვნული ეკონომიკის განვითარებაში, როგორ განვახორციელო რეფორმები. მაგრამ,  რა ვუყო პოპულისტებს, ეს უკრაინელებმა გადაწყვიტონ. ის გვპირდებოდა, რომ უკრაინაში მნიშვნელოვან რეფორმებს გაატარებდა. სიმართლე გითხრათ, აქ არც მისი წარმატება დამინახავს და არც მის მიერ გატარებული რეფორმები“, - განაცხადა ვლადიმერ გროისმანმა.

ავტორი: ,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის