2017-08-10 13:52:51, 2733 ნახვა
მსოფლიო
თურქეთში „ისლამური სახელმწიფოს“ წევრობის ბრალდებით რუსეთის მოქალაქე დააკავეს
თურქეთში ტერორისტული დაჯგუფება „ისლამური სახელმწიფოს“ წევრობის ბრალდებით რუსეთის მოქალაქე რენატ ბაკიევი დააკავეს, - ამის შესახებ Hurriyet იუწყება.
როგორც სააგენტო წერს, გამოძიების ცნობით, ეჭვმიტანილი ინჯირლიკში ბაზირებული ამერიკული თვითმფრინავის, დრონის მეშვეობით ჩამოგდებას აპირებდა.
მედია საშუალების ინფორმაციით, ის სირიის საზღვართან მდებარე ქალაქ ქილისში დააკავეს.
გარდა ამისა, გამოცემის ცნობით, მამაკაცი ასევე ტერაქტის მოწყობას გეგმავდა.
Hurriyet-ი იტყობინება, რომ მამაკაცი სასამართლოს წინაშე 13 აგვისტოს წარსდგება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
