2017-08-02 10:48:49, 3012 ნახვა
მსოფლიო
აშშ-ის გამოძიების ფედერალურ ბიუროს ახალი დირექტორი ჰყავს
ამერიკის შეერთებული შტატების სენატმა გამოძიების ფედერალური ბიუროს ახალ დირექტორად კრისტოფერ ვრეი დაამტკიცა.
მას 92 სენატორმა დაუჭირა მხარი, 5 კი, წინააღმდეგი იყო.
კრისტოფერ ვრეის კანდიდატურა კონგრესს პრეზიდენტმა დონალდ ტრამპმა წარუდგინა. როგორც პრეზიდენტმა აღნიშნა, „რეი კანონის მტკიცე დამცველი იქნება“.
შეგახსენებთ, გამოძიების ფედერალური ბიუროს დირექტორის პოსტი ვაკანტური მას შემდეგ გახდა, რაც დონალდ ტრამპმა ჯეიმს კომი თანამდებობიდან გაათავისუფლა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
