რუსმა ოკუპანტებმა გორის რაიონის სოფელ წითელუბნის მიმდებარე ტერიტორიიდან საქართველოს ორი მოქალაქე გაიტაცეს.

ვასილ ბოლოთაევი და თენგიზ კაჯილოვი ე.წ. საზღვრის უკანონო კვეთის ბრალდებით მაშინ დააკავეს, როდესაც ისინი სოფლის მიმდებარე საძოვრებზე პირუტყვს მწყემსავდნენ.

არსებული ინფორმაციით, დაკავებულები ცხინვალის დროებითი დაკავების იზოლატორში არიან გადაყვანილი.

როგორც „ექსპრესნიუსს“ სახელმწიფო უსაფრთხოების სამსახურში განუცხადეს, მომხდარის შესახებ ევროკავშირის სადამკვირვებლო მისიას უკვე აცნობეს.

„ე.წ საზღვრის უკანონო კვეთის ბრალდებით ორი ადამიანია დაკავებული. ამოქმედებულია ცხელი ხაზი. ასევე, საქმის კურსშია ევროკავშირის მონიტორინგის მისია. სუს-ი მუშაობს ამ ადამიანების გასათავისუფლებლად“, - აცხადებენ სახელმწიფო უსაფრთხოების სამსახურში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი