2017-07-07 16:50:02, 2536 ნახვა
სამართალი
ე.წ. ციანიდის საქმეზე, პატრიარქის დაცვის ყოფილი წევრი სოსო ელიზბარაშვილი დაიკითხა
თბილისის საქალაქო სასამართლოში მიმდინარე ე.წ. ციანიდის საქმის სასამართლო სხდომაზე პატრიარქის დაცვის ყოფილი თანამშრომელი სოსო ელიზბარაშვილი დაიკითხა.
მედიის წარმომადგენლებმა ელიზბარაშვილთან გასაუბრება სცადეს, თუმცა მან კომენტარის გაკეთება არ ისურვა.
უცნობია, კონკრეტულად რა საკითხზე დაიკითხა სოსო ელიზბარაშვილი და რა ჩვენება მისცა მან სასამართლოს.
ცნობისთვის, ე.წ. ციანიდის საქმეზე ბრალდების მხარის მოწმეების დაკითხვა ამ დრომდე გრძელდება. დღევანდელ პროცესზე უკვე დაკითხულია 10-მდე მოწმე, მათ შორის საპატრიარქოს ოქრომჭედლები, რომლებმაც ჩვენებაში აღნიშნეს, რომ პრაქტიკაში ციანიდი არასდროს არ გამოუყენებიათ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
