საქართველოს შინაგან საქმეთა მინისტრი, გიორგი მღებრიშვილი ფინეთის შინაგან საქმეთა მინისტრს, პაულა რისიკოს შეხვდა.

როგორც გიორგი მღებრიშვილმა აღნიშნა, ორმხრივი თანამშრომლობის განვითარება სკანდინავიის ქვეყნებთან და მათ შორის, ფინეთის რესპუბლიკასთან, საქართველოს შს სამინისტროსთვის ერთ-ერთი პრიორიტეტული საკითხია.

თავის მხრივ, ფინეთის შს მინისტრმა მაღალი შეფასება მისცა საქართველოსა და ევროპოლს შორის შეთანხმებას ოპერატიული და სტრატეგიული პარტნიორობის შესახებ.

მისი თქმით, აღნიშნული შეთანხმება მნიშვნელოვანი წინგადადგმული ნაბიჯია საქართველოს ევროინტეგრაციის გზაზე.

მღებრიშვილმა  ფინელ კოლეგას უწყებაში განხორციელებული, მიმდინარე და დაგეგმილი რეფორმები გააცნო.

მხარეებმა საქართველოსა და ფინეთის შს სამინისტროებს შორის თანამშრომლობის გაღრმავების საკითხები განიხილეს, მათ შორის, საზოგადოებაზე ორიენტირებული პოლიციისა და სასაზღვრო უსაფრთხოების მიმართულებით.

ფინეთის შს მინისტრმა საქართველოს შს მინისტრი ჰელსინკში მიიწვია და მისგან თბილისში ოფიციალური მოწვევა მიიღო.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი: საქართველოს წინააღმდეგ საერთაშორისო ინსტიტუტების პოლიტიკური მიზნებისთვის გამოყენების მცდელობები გრძელდება

„ევექსი ლაბის“ ახალი შეთავაზება სოციალური ბარათის მფლობელებს

აშშ-ის მიერ ირანზე განხორციელებული თავდასხმების შედეგად რამდენიმე ადამიანი დაიჭრა

თურქეთში რამდენიმე საგზაო შემთხვევა მოხდა, რომელთა შედეგადაც დაღუპულები და დაშავებულები არიან