ესტონეთის პრეზიდენტის კერსტი კალიულაიდის განცხადებით, რუსეთის პრეზიდენტი ჯერ კიდევ რუსეთ-საქართველოს კონფლიქტამდე ჰელსინკის აქტზე დაფუძნებული საერთაშორისო უსაფრთხოების არქიტექტურის გადახედვას ცდილობდა, - ამის შესახებ ესტონეთის პრეზიდენტმა Euronews-სთან ინტერვიუში განაცხადა. 

როგორც პრეზიდენტმა აღნიშნა, ყველა სახელმწიფოს აქვს უფლება თავად აირჩიოს, ვისთან უნდა ჰქონდეს საქმე და ვისთან ითანამშრომლოს. 

„ვფიქრობ, საქართველოში დასავლურმა სამყარომ შეცდომა დაუშვა და რუსეთმა არასამაგალითო გაკვეთილი მიიღო. მანამდე, როდესაც პრეზიდენტი იყო დმიტრი მედვედევი, იყო მოლპარაკებების მცდელობა, თუმცა, შემდეგ საქართველოში რუსეთმა დაინახა, რომ თუ ხისტად იმოქმედებდა, რეაქცია არ იქნება საკმარისად მწვავე. ამას სტიქიურად მოჰყვა ყირიმი. შემდეგ კი, ვფიქრობ, ყველამ იცის - რა მოხდება შემდეგ. ეს არის საშიშროება საერთაშორისო უსაფრთხოებისთვის. ყველა სახელმწიფოს აქვს უფლება დამოუკიდებლად მიიღოს გადაყვეტილება და ეს უფლება დაცული უნდა იყოს", - აღნიშნა კალიულაიდიმ.

ცნობისთვის, ესტონეთი 1 ივლისიდან ევროკავშირის თავმჯდომარე სახელმწიფო გახდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა