მამა გიორგი მამალაძის მიმართ გამოყენებული აღკვეთის ღონისძიების გადასინჯვის ორთვიანი ვადა ამოიწურა.

მოსამართლის გადაწყვეტილებით, მამა გიორგი მამალაძე კვლავ პატიმრობაში რჩება.

დაცვის მხარე დეკანოზის პატიმრობაში დარჩენის საფუძველს ვერ ხედავს.

ადვოკატებმა მოსამართლეს მამა გიორგი მამალაძის გირაოს სანაცვლოდ გათავისუფლება შესთავაზეს, თუმცა მოსამართლემ აღნიშნული საკითხი უარყოფითად გადაწყვიტა.

„ავტომატურად მოხდა აღკვეთის ღონისძიების გადასინჯვა. დავაფიქსირეთ პოზიცია, რომ ყველა სამართლებრივი საფუძველი არსებობდა, რათა გათავისუფლებულიყო მამა გიორგი მამალაძე გირაოთი. მზად ვიყავით დეკანოზს სახლი ჩაედო, სადაც მისი სამი მცირეწლოვანი შვილი და 12 ადამიანი ცხოვრობდნენ და ქუჩაში არ დატოვებს მათ. გიორგი მამალაძეს მიმალვის საფუძველი არ აქვს, რადგან საქმეზე მართლდება. სამწუხაროდ, დღეს არ გადაწყვიტა აღკვეთის ღონისძიების საქმე დადებითად მოსამართლემ, მაგრამ იმედს ვიტოვებთ, უახლოეს პროცესებზე თვითონ მივა მოსამართლე იმ დასკვნამდე, რომ შემოდგომამდე არაა დალოდება აუცილებელი გირაოს შესაფარდებლად, რადგან ამ საქმეზე გამამართლებელი განაჩენი დადგება“, - განაცხადა ადვოკატმა გიორგი ფანცულაიამ.

რაც შეეხება უშუალოდ დღევანდელ სასამართლო პროცესს, ადვოკატის თქმით, არცერთი ექსპერტის მიერ მიცემული ჩვენებით არ იკვეთება, რომ მამა გიორგი მამალაძე ვინმეს მკვლელობას ამზადებდა.

ე.წ. ციანის საქმეზე მომდევნო პროცესი 7 ივლისს, 11:00 საათზე, კვლავ ბრალდების მხარის მოწმეების დაკითხვით განახლდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა