„საჩხერის სამედიცინო ცენტრმა“, რომლის ერთ-ერთი მთავარი მიმართულება სწორედ სამედიცინო ტურიზმია, აზერბაიჯანის წამყვანი მედიასაშუალებების 11 ჟურნალისტს 23-26 ივნისს უმაპინძლა.

ჩვენი მეზობელი ქვეყნის წამყვანი მედიასაშუალებების წარმომადგენლები საქართველოში სამედიცინო ტურიზმის თემით დაინტერესდნენ. მედიატური საქართველოს ტურიზმის ეროვნულ ადმინისტრაციასთან თანამშრომლობით ჩატარდა.

პრესტურის მონაწილეებმა ახლოს გაიცნეს „საჩხერის სამედიცინო ცენტრის“ მრავალპროფილური სერვისი - 7 სტაციონარული განყოფილება, მრავალპროფილური პოლიკლინიკა, მაღალტექნოლოგიური აპარატურით აღჭურვილი კლინიკურ-დიაგნოსტიკური ლაბორატორია, კომფორტული სასტუმრო, რომელიც სამედიცინო ტურიზმის ერთ-ერთი აუცილებელი ატრიბუტია.
მედიატურის ფარგლებში სტუმრებმა ასევე დაათვალიერეს ზემო იმერეთის ღირსშესანიშნაობანი.

„საჩხერეში რიგით მეორე მედიატური ჩატარდა. ამჯერად ზემო იმერეთს აზერბაიჯანიდან ჩამოსული 11-კაციანი ჯგუფი ესტუმრა. მათი განსაკუთრებული ყურადღების ქვეშ ჩვენი კლინიკა აღმოჩნდა, სადაც დაათვალიერეს რამდენიმე დეპარტამენტი, დაინტერესდნენ დიაგნოსტიკური ნაწილით. რამდენიმე სტუმარმა გამოკვლევაც ჩაიტარა. გარდა ამისა, ჩვენი მიზანი იყო, სტუმრებისთვის გაგვეცნო საქართველოს ის პატარა ნაწილი, რომელსაც ზემო იმერეთი ჰქვია - მატ მოინახულეს კაცხის სვეტი, იყვნენ აკაკი წერეთლის სახლ-მუზეუმში, ნახეს უძველესი მარნები,“ - ამბობს „საჩხერის სამედიცინო ცენტრის“ მენეჯერი თამარ მელიქიძე.

საქართველოდან გამგზავრების წინ თავიანთი შთაბეჭდილებები სტუმრებმაც გამოხატეს.
 

რამალ ჰუსეინოვი, interpress.az-ის მთავარი რედაქტორი:
„თბილისში ბევრჯერ ვარ ნამყოფი, მაგრამ ამჯერად ამ ქვეყანაში საჩეხერის კლინიკის მოწვევით ჩამოვედით და, მინდა გითხრათ, ეს ყველაზე საინტერესო ტური აღმოჩნდა ჩვენთვის. მე აქ ვნახე ძალიან თანამედროვე კლინიკა, სადაც პროფესიონალები მუშაობენ. ისიც ვნახე, რომ აქ კავკასიის ქვეყნებიდან ბევრი ადამიანი ჩამოდის სამკურნალოდ. ჩვენ ეს ყველაფერი გადავიღეთ, დავაფიქსირეთ და ამის შესახებ აზერბაოჯანში დავწერთ, ვისაუბრებთ და სატელევიზო პროგრამებსაც მოვამზადებთ. დიდ წარმატებებს გისურვებთ.“

აინურ ჰაჯიევა, ჟურნალისტი, ბლოგერი:
„სამედიცინო ტურიზმი მთელ მსოფლიოში ძალიან მნიშვნელოვანი და სერიოზული მიმართულებაა და ძალიან მოხარული ვარ, რომ ეს სფერო ჩვენს მეზობელ ქვეყანაშიც ასე განვითარებულია. აქ მარტო ჰაერიც კი ისეთია, რომ ადამიანს გამოაჯანმრთელებს. კლინიკა პაციენტებს  ძალიან სერიოზულ, უმაღლესი დონის მომსახურებებს  სთავაზობს, და ვფიქრობ, რომ ჩვენს ქვეყანაში ძალიან დიდ ინტერესს გამოიწვევს. ძალიან მიხარია, რომ ჩემს სახლთან ახლოს არის ქვეყანა, სადაც კარგი ხარისხის მკურნალობისგარანტია არსებობს. მე პლასტიკური ქირურგიის მომსახურებით ვარ დაინტერესებული და ამ პროცედურას აუცილებლად ამ კლინიკაში ჩავატარებ. სხვათა შორის, ჩვენი „სელებრითები“ პლასტიკური ქირურგიის ოპერაციების გასაკეთებლად სწორედ საქართველოში ჩამოდიან.

პრესტურის ფარგლებში მიღებული შთაბეჭდილებების და ინფორმაციების საფუძველზე აზერბაიჯანელი ჟურნალისტები საქართველოს სამედიცინო ტურიზმის შესახებ მოამზადებენ სტატიებს, გააკეთებენ რადიო-სიუჟეტებს და გადაცემებს წამყვანი ტელევიზიებისთვის.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა

ჰერჩინსკი - გრძელდება ანტი-ევროპული რიტორიკა, რომელიც კიდევ უფრო მეტად აზიანებს წლობით ნაშენებ მეგობრობას

კობახიძე ოპოზიციაზე - 10 კაცშიც ვერ ახერხებენ, ეს ადამიანები ერთიანობის შენარჩუნებას