საქართველოს პრემიერ-მინისტრის გიორგი კვირიკაშვილის განცხადებით, მმართველი გუნდი საკონსტიტუციო ცვლილებებთან დაკავშირებით მნიშვნელოვან კომპრომისზე წავიდა.

პრემიერ-მინისტრის თქმით, მნიშვნელოვანი პოლიტიკური რანგის გადაწყვეტილების მიღების პროცესი საკმაოდ რთულია.

კვირიკაშვილმა ვენეციის კომისიის პრეზიდენტს ჯანი ბუკიკიოს მხარდაჭერისთვის მადლობა გადაუხადა. 

„ძალიან ვაფასებთ ვენეციის კომისიის თანადგომას ჩვენი ქვეყნისადმი და ძალიან ვაფასებ პირადად ჯანი ბუკიკიოს მნიშვნელოვან რეკომენდაციებს, რომელიც იყო საბაზისო საფუძველი ძალიან მნიშვნელოვანი კონსტიტუციური ცვლილებების, რომელიც ხორციელდება ჩვენს ქვეყანაში. გვქონდა საუბარი, რომ ჩვენ გავაგრძელებთ დიალოგს.  ჩვენ გავაკეთეთ ძალიან მნიშვნელოვანი პოლიტიკური კომპრომისები და ვფიქრობ, რომ ასევე ოპოზიციამაც უნდა შეხედოს ამ კომპრომისებს, როგორც ძალიან მნიშვნელოვან მიღწევას“, - განაცხადა გიორგი კვირიკაშვილმა.

ცნობისთვის, ვენეციის კომისიის პრეზიდენტი ჯანი ბუკიკიო საქართველოში ოფიციალური ვიზიტით იმყოფება. ის შეხვედრებს პრეზიდენტთან, მთავრობის წევრებთან შეხვედრებს ბათუმში მართავს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა