სასტუმრო “ბილტმორ თბილისში”, BUSINESS GEORGIA-სა და „საქართველოს ბანკის“ ორგანიზებით, ბიზნეს ფორუმი „ქალები ბიზნესში“ გაიმართა.

ღონისძიების მთავარ მიზანს დამსწრე საზოგადოებისთვის ბიზნესში ქალის როლის ხაზგასმა, მათი მიღწევების, სირთულეებისა და გამოწვევების განხილვა წარმოადგენდა.

საჭირო რესურსებზე ხელმისაწვდომობა და წარმატებული ქალი მეწარმეების  ხელშეწყობა არის საკვანძო საკითხები ქალთა ეკონომიკური ჩართულობის  კუთხით. სწორედ ამიტომ,  ფორუმი ემსახურება როგორც ცოდნისა და გამოცდილების  გაცვლას და ქალ  ბიზნესმენთა დაკავშირებას, ასევე ახალი შესაძლებლობების შექმნასა და  სოციალური დიალოგის ხელშეწყობას ბიზნეს ლიდერებსა და  ქალ მეწარმეებს შორის.

ფორუმი დაყოფილი იყო სამ ნაწილად. პირველი ნაწილი, სახელწოდებით- ქალები საზოგადოებაში,  დაეთმო საქართველოს ეკონომიკურ ზრდაში ქალთა როლის წარმოჩენას, ასევე  ქალთა სოციალური და ეკონომიკური გაძლიერების პერსპექტივებს საზოგადოებრივ დონეზე.

მეორე ნაწილში სპიკერებმა  ისაუბრეს ქალებზე, როგორც მეწარმეებზე. საინტერესო ფაქტებსა და  სტატისტიკასთან ერთად, საუბარი შეეხო რისკების შემცირებას, რომელიც ახალი ბიზნესის დაწყებისას, შესაძლოა,  შეგხვდეს. ასევე წარმოდგენილი იყო  გზამკვლევი სტარტაპებისთვის ფინანსური რესურსების მოძიებაში.

მესამე ნაწილში-ქალებმა, როგორც ტოპ მენეჯერებმა, მიმოიხილეს ბიზნესის მართვაში  ქალთა როლი,  თითოეულ ნაწილში სპიკერებმა ისაუბრეს წარმატების შთამაგონებელ  ისტორიებზე.

მონაწილეებს დასკვნით ნაწილში შესაძლებლობა ჰქონდათ, სადისკუსიო  პანელში  ჩართვის  და კითხვა-პასუხის რეჟიმში  მიეღოთ მათთვის მნიშვნელოვანი ინფორმაცია.

„ფორუმი მნიშვნელოვანია ქალ ბიზნესმენთათვის, რადგან დამსწრე საზოგადოება სამაგალითო ქალების გაცნობის გარდა,  მიიღებს საჭირო ინფორმაციას იმ პროგრამებზე, საგრანტო კონკურსებსა, თუ სამთავრობო ინიციატივებზე, რაც დაეხმარება მათ ცოდნის შეძენასა და იმ უნარების განვითარებაში, რაც თავიანთი ბიზნესისა და  კარიერული ზრდისთვის ხელშემწყობი გახდება. ვიმედოვნებთ, დავეხმარებით ქალებს, რომლებიც  ნებისმიერი ზომისა და სექტორის ბიზნეს საქმიანობაში არიან ჩართულნი თავიანთი მიზნების განხორციელებაში“,-განაცხადა BUSINESS GEORGIA-ს გენერალურმა დირექტორმა ანა გოგიშვილმა.

ფორუმზე მოწვეულ სტუმართა შორის იყვნენ როგორც მთავრობის, ასევე არასამთავრობო ორგანიზაციების წარმომადგენლები, ადგილობრივი და საერთაშორისო კომპანიების ხელმძღვანელები, ქალი მეწარმეები და ასევე დამწყები ბიზნესის წარმომადგენლები.

BUSINESS GEORGIA მსგავსი ბიზნეს ფორუმების სახით ცდილობს, წარმოადგინოს საქართველოში არსებული ბიზნეს გარემოს ანალიზი და შესაბამისი ინფორმაცია მიაწოდოს ყველა იმ დაინტერესებულ მხარეს, რომელიც აქტიურად არის ჩართული ქვეყანაში ბიზნესის განვითარებისთვის საჭირო ხელსაყრელი კლიმატის ფორმირების პროცესში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასკოლო ფორმებზე 45 მილიონამდე ლარის ღირებულების გამარტივებული შესყიდვა გამოცხადდა

ივანიშვილის პარლამენტმა სახელმწიფო მინისტრის თანამდებობის შემოღებას მხარი დაუჭირა

გაერო: აშშ-ისრაელის საბრძოლო მოქმედებების დაწყებიდან, ირანში 21 ადამიანი სიკვდილით დასაჯეს

ხაბაროვსკის მხარეში ბუჩას ხოცვა-ჟლეტაში მონაწილე გენერლის აფეთქების მცდელობა იყო