საქართველოს პროკურატურამ აზერბაიჯანს აფგან მუხთარლის საქმეზე სამართლებრივი დახმარების თხოვნით მიმართა.

კერძოდ, როგორც მთავარმა პროკურორმა ირაკლი შოთაძემ  ჟურნალისტებს განუცხადა,  აზერბაიჯანელ კოლეგებს აფგან მუხთარლის დაკითხვისა და აზერბაიჯანში მიმდინარე სისხლის სამართლის საქმის მასალების გაცნობის თხოვნით მიმართეს.

„მას შემდეგ, რაც აფგან მუხთარლი დაიკითხება და მოპოვებული იქნება  მტკიცებულებები, რომლის საფუძველზეც აზერბაიჯანში მის მიმართ სისხლის სამართლის დევნა მიმდინარეობს, შესაბამისი გადაწყვეტილება იქნება მიღებული", - აღნიშნა  ირაკლი შოთაძემ.

შეგახსენებთ, აზერბაიჯანელი ჟურნალისტი აფგან მუხთარლი თბილისში 29 მაისს გაუჩინარდა. მისი მეუღლის, ლეილა მუსტაფაევას და მისი მეგობრის დაშგინ აღალარლის თქმით, ბოლო პერიოდში, აფგან მუხთარლის უცნობი პირები, სავარაუდოდ აზერბაიჯანელები, უთვალთვალებდნენ. 30 მაისს აზერბაიჯანულმა მედიამ გაავრცელა ინფორმაცია, რომ  აფგან მუხთარლი ბაქოში მალულად გადაიყვანეს და დააპატიმრეს.

ჟურნალისტს ბრალი სამი მუხლით წაუყენეს - სამართალდამცავებისათვის წინააღმდეგობის გაწევა, საზღვრის უკანონო კვეთა და კონტრაბანდა. ბაქოს საქალაქო სასამართლომ გუშინ მუხთარლის სამთვიანი წინასწარი პატიმრობა შეუფარდა.

აფგან მუხთარლი  2015 წლის ინავრიდან საქართველოში ცხოვრობდა მის მეუღლესა და ქალიშვილთან ერთად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”