აჭარის მთავრობის თავმჯდომარე ზურაბ პატარაძე და საქართველოს ეკონომიკისა და მდგრადი განვითარების მინისტრი გიორგი გახარია შპს ,,ნოვას" ადლიის ფილიალის გახსნას დაესწრნენ.

აჭარის მთავრობის თავმჯდომარის ზურაბ პატარაძის განცხადებით, ახალ საწარმოში 40-ზე მეტი დასახალების სამშენებლო პროდუქტი მზადდება, რაც  რეგიონის განვითარებისთვის მნიშნელოვანია.

,,როცა ჩვენ ვსაუბრობთ ჩვენი ქვეყნის განვითარებაზე, ახალ ინფრასტრუქტურულ პროექტებზე, ახალ მშენებლობებზე, გვჭირდება მეტი საწარმო, მეტი ქარხანა. ბიზნესის ხელშეწყობა ჩვენი მთავარი პრიორიტეტია. სწორედ ეს საწარმო სარგებლობს 2 მლ დოლარის სესხით სახელმწიფო პროგრამა ,,აწარმოე საქართველოს" ფარგლებში. თქვენ ხედავთ, რომ აშენდა თანამედროვე ტიპის საწარმო მრავალფეროვანი პროფილით. აქ მზადდება 40-ზე მეტი დასახელების სამშენებლო პროდუქტი, რაც მნიშვნელოვანია ჩვენი რეგიონის განვითარებისთვის"-აღნიშნა ზურაბ პატარაძემ.

შპს ,,ნოვას" ადლიის ფილიალი ,,აწარმოე საქართველოში" პროექტის ფარგლებში აშენებული საწარმოა.

საწარმოს მუშაობის შესახებ ინფორმაცია მთავრობის წარმომადგენლებს შპს „ნოვას" ტექნიკურმა დირექტორმა რამაზ ირემაძემ გააცნო.

სამშენებლო მასალების იმპორტიორი და მწარმოებელი კომპანია „ნოვა" 2007 წლიდან მოღვაწეობს ქართულ ბაზარზე.

კომპანიის კუთვნილ საწარმოებში იქმნება 40-ზე მეტი დასახელების სამშენებლო პროდუქტი.

აღსანიშნავია, რომ კომპანია ხარისხის დამადასტურებელ სათანადო სერთიფიკატებს ფლობს, რაც პროდუქციის ეკოლოგიურ უსაფრთხოებას ადასტურებს.

შპს „ნოვას" ადლიის ფილიალის განვითარებისთვის დაახლოებით 4 მილიონი აშშ დოლარის ინვესტიცია განხორციელდა, მათ შორის 2 მილიონი აშშ დოლარის ოდენობით დაფინანსდა „აწარმოე საქართველოს" პროექტის ფარგლებში, დამატებითი ფინანსური სახსრების მობილიზება კი კომპანიამ თავად შეძლო.

ამ დროისთვის კომპანიაში სულ 215 ადამიანი, ხოლო ადლიის ფილიალში 54 ადამიანია დასაქმებული.

შემდეგი ორი წლის განმავლობაში იგეგმება დამატებით 20-30 მუდმივი სამუშაო ადგილის შექმნა.

სულ პროგრამის „აწარმოე საქართველოში" ფარგლებში აჭარის რეგიონში დაფინანსებულია 21 პროქტი,რომელთა ინვესტიციის ჯამური მოცულობა 35 536 966 ლარს შეადგენს. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა