ე.წ. ციანიდის საქმის პროკურორის, ჯარჯი წიკლაურის განცხადებით, ირაკლი მამალაძემ თავისი ჩვენებით დაადასტურა, რომ ბრალდებულ დეკანოზს ციანიდი შორენა თეთრუაშვილის მკვლელობისთვის უნდოდა.

მისივე თქმით, ბრალდების მხარის მთავარი მოწმის ირაკლი მამალაძის დაკითხვა გრძელდება.

ამასთან, ჯარჯი წიკლაური ამბობს, რომ ადვოკატები დაუსაბუთებელი პროტესტითა და შუამდგომლობებით ცდილობდნენ, შეეჩერებინათ მოწმის თავისუფალი თხრობა, რათა არ მიცემო მას საშუალება, სრულყოფილად გადმოეცა ფაქტები.

„მთავარმა მოწმემ, რომლის დაკითხვაც გრძელდება, დაადასტურა, რომ მამალაძეს ციანიდი ადამიანის მკვლელობისთვის უნდოდა. ბრალდებული დაპირისპირებული იყო შორენა თეთრუაშვილთან და ყველაფერს აკეთებდა მისი დისკრედიტაციის მიზნით. მან საწადელს რომ ვერ მიაღწია, აირჩია ყველაზე რადიკალური და გაუგონარი მეთოდი, ფაქტობრივად წავიდა დანაშაულზე და დაგეგმა მისი მკვლელობა ამ საწამლავის გამოყენებით. ეს დადასტურდა დღევანდელ სხდომაზე“, - აღნიშნა ჯარჯი წიკლაურმა.

პროკურორის ინფორმაციით, დღევანდელ პროცესზე შესავალ სიტყვით სასამართლოს წინაშე 6 ადვოკატი წარსდა და ვერცერთმა მათგანმა ვერ ახსნა, თუ რატომ ითხოვდა მამა გიორგი მამალაძე მომწამვლელი ნივთიერების სასიკვდილო დოზას.

„ასევე,როდესაც ბრალდებული ინტერესდებოდა მსხვერპლის ორგანიზმში ექსპერტიზა აღმოაჩენდა თუ არა საწამლავს, ვერცერთმა ადვოკატმა ვერ ახსნა ეს გარემოება და ისევ ის გამოგონილი ოქრომჭედელი ახსენეს, თითქოს მისთვის უნდოდა მამალაძეს საწამლავი“, - განაცხადა ჯარჯი წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა