„სამწუხაროდ, ეფექტური გამოძიება არ ტარდება მანამ, სანამ კონკრეტული ვიდეოკადრები არ ვრცელდება“,-ასე გამოეხმაურა სანხალხო დამცველი უჩა ნანუაშვილი შოთა პაკელიანის საქმეს.

როგორც ომბუდსმენმა აღნიშნა, ამ საქმეზე აუცილებელია ეფექტური გამოძიება. 

„სამწუხაროდ ეფექტური გამოძიება არ ტარდება მანამ, სანამ კონკრეტული ვიდეოკადრები არ ვრცელდება. აუცილებელია ქვეყანაში დამოუკიდებელი საგამოძიებო მექანიზმის შექმნა იმისთვის, რომ მომავალში თავიდან ავირიდოთ მსგავსი შემთხვევები“, - განაცხადა უჩა ნანუაშვილმა და დასძინა, რომ  კონკრეტული პირების სისხლისსამართლებრივი პასუხისმგებლობის საკითხი უნდა დადგეს.

ცნობისთვის, „ლიბერალმა“ წყაროზე დაყრდონით ინფორმაცია გაავრცელა, სადაც პოლიციის მე-7  განყოფილების შიდა კამერების მიერ გადაღებულ ვიდეომასალაში ნარკოტიკული საშუალების მოხმარებისა და გავრცელებისთვის დაკავებულის, შოთა პაკელიანის დაკითხვის პროცედურაა ასახული.

როგორც „ლიბერალის“ წყარო აცხადებს, პაკელიანის ცემის ამსახველი კადრები არ არსებობს, ვინაიდან ოთახში, სადაც ის სცემეს, კამერები დამონტაჟებული არ ყოფილა.

მისივე ინფორმაციით, ვიდეოკადრებში ასევე ჩანს, როგორ ამოწმებენ პოლიციელები პაკელიანის ახლობლების კუთვნილ ტელეფონებს, შესაძლო კადრების წაშლის მიზნით. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს