საქართველოს პრემიერ-მინისტრმა გიორგი კვირიკაშვილმა მთავრობის სხდომის დაწყებამდე ქუთაისის ტექნოლოგიური უნივერსიტეტის პროექტის მნიშვნელობაზე ისაუბრა.

ის ასევე გამოეხმაურა რამდენიმე დღის წინ მიუნხენის ტექნიკურ უნივერსიტეტთან გაფორმებულ თანამშრომლობის მემორანდუმს.

კვირიკაშვილის თქმით, პროექტში  მიუნხენის ტექნიკური უნივერსიტეტი შემოდის, რაც ადასტურებს, რომ საქართველოს აქვს უდიდესი პოტენციალი, ჩამოყალიბდეს როგორც საერთაშორისო რეგიონული განათლების ცენტრი.

„ძალიან მნიშვნელოვანი პროექტია მოგეხსენებათ ქუთაისის საერთაშორისო ტექნოლოგიური უნივერსიტეტი და ორი დღის წინ ხელი მოეწერა ქუთაისის უნივერსიტეტსა და მიუნხენის  ტექნიკურ უნივერსიტეტს შორის თანამშრომლობის მემორანდუმს,  რომლის თანახმადაც მიუნხენის ტექნიკური  უნივერსიტეტი შემოდის ამ პროექტში არა როგორც კონსულტანტი, არამედ როგორც პარტნიორი.ქუთაისის უნივერსიტეტი ხდება ერთობლივი პროექტი მიუნხენის ტექნიკურ უნივერსიტეტთან ერთად.

მიუნხენის ტექნიკური უნივერსიტეტი შემოდის ამ პროექტში, არა როგორც კონსულტანტი, არამედ პარტნიორი.მიუნხენის უნივერსიტეტი მსოფლიოში ერთ-ერთი ყველაზე მაღალი რეიტინგის მქონე სასწავლებელია. ეს არის ძალიან მნიშვნელოვანი ნაბიჯი, რაც კიდევ ერთხელ ადასტურებს, რომ საქართველოს აქვს უდიდესი პოტენციალი, ჩამოყალიბდეს საერთაშორისო რეგიონული განათლების ცენტრად და ქუთაისი მართლაც გახდება საერთაშორისო განათლების მნიშვნელოვანი კერა, როგორც ეს იყო ისტორიულად.  ამ პროექტის წარმატებას წინ არაფერი დაუდგება.

ეს მართლაც ისტორიული მნიშვნელობის პროექტია, რომელიც  დიდ ზეგავლენას მოახდენს საქართველოს განვითარებაზე. გილოცავთ ამ ძალიან დიდი წარმატებას. მოხარული ვარ, რომ საქართველო თანდათან ხდება ძალიან პოპულარული არა მხოლოდ მეზობელ ქვეყნებში არამედ საკმაოდ დაშორებული ქვეყნებიდანაც ჩამოდის ბევრი სტუდენტი განათლების მისაღებად. ქუთაისის უნივერსიტეტი ერთ-ერთი უმნიშვნელოვანესი საგანმანთლებლო ინსტიტუცია იქნება ევროპაში. დარწმუნებული ვართ, ამ პროექტის წარმატებაში“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება