საქართველოს პარლამენტის თავმჯდომარის ირაკლი კობახიძის განცხადებით, დღევანდელი და ხვალინდელი საპარლამენტო  სისტემისთვის უმჯობესია პრეზიდენტის არაპირდაპირი წესით არჩევა, თუმცა  პერსონალური ფაქტორის გათვალისწინებით, პირველად საპრეზიდენტო არჩევნები არაპირდაპირი წესით 2023 წელს ჩატარდება.

„კერძოდ, ანგარიში გავუწიეთ იმ ფაქტორს, რომ დღეს მოქმედ პრეზიდენტს უნდა დარჩეს თეორიული შანსი მაინც იმის, რომ მან საპრეზიდენტო არჩევნებში კენჭი იყაროს. სწორედ ამ პერსონალური ფაქტორის გათვალისწინებით მოხდა რეალურად სისტემის სრულფასოვანი ამოქმედების გადავადება 6 წლით, რაც იყო პრინციპული პოლიტიკური გადაწყვეტილება, ეს გვირჩია და მოგვიწონა ვენეციის კომისიამ. პერსონალური ფაქტორის გათვალისწინებით, 2023 წელს ჩატარდება პირველად საპრეზიდენტო არჩევნები არაპირდაპირი წესით“,-აღნიშნა კობახიძემ და დასძინა, რომ ამ ნაბიჯით მათ დაადასტურეს, რომ  საუბარი, თითქოს „ქართულ ოცნებას“ პირდაპირი გზით არჩევნების ჩატარების შიში აქვს, სპეკულაციაა:

„ჩვენ შიში პირდაპირი არჩევნების არ გვაქვს, ჩვენ ვართ დარწმუნებული გამაჯვებაში და ასეც რომ არ იყოს, მაშინაც არ გვექნებოდა შიში პირდაპირი არჩევნების მიმართ. მოვხსენით ყოველგვარი საბაბი სპეკულაციებისთვის, რომელიც მძიმე ფორმით წარმოებდა სახელმწიფო საკონსტიტუციო კომისიის წინააღმდეგ, განსაკუთრებით პრეზიდენტის მხრიდან“,-განაცხადა ირაკლი კობახიძემ პარლამენტის რიგგარეშე სხდომაზე, სადაც კონსტიტუციის პროექტს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა