მუსიკალური ჯგუფის "ბირჟა მაფიას" ორივე წევრი   წინასწარი პატიმრობიდან გათავისუფლდა. 

გიორგი ქებურიასთვის  საპატიმრო აღკვეთის ღონისძიების შეცვლასთან დაკავშირებით სასამართლო პროცესი თბილისის სააპელაციო სასამართლოში ამ წუთებში დასრულდა.

მიხეილ მგალობლიშვილის მსგავსად, სასამართლომ საპატიმრო ღონისძიება მასაც არასაპატიმრო აღკვეთის ღონისძიებით შეუცვალა. ქებურიას გირაოს სახით 20 ათასი ლარის გადახდა დაეკისრა, მიხეილ მგალობლიშვილს კი, 50 ათასი ლარის.

როგორც მოსალოდნელი იყო, ბრალდების მხარე „ბირჟა მაფიას" წევრის მიმართ არასაპატიმრო ღონისძიების გამოყენებას დაეთანხმა.

შეგახსენებთ, Birja Mafia-ს წევრებს გიორგი ქებურიასა და მიხეილ მგალობლიშვილს თბილისის საქალაქო სასამართლომ წინასწარი პატიმრობა შეუფარდა. მათ სამართალდამცავები დიდი ოდენობით ნარკოტიკული საშუალება MDMA-ს შეძენა-შენახვას ედავებიან. რეპერები აცხადებენ, რომ ნარკოტიკი ჩაუდეს და რეალურად, მათზე შური კლიპის გამო იძიეს, სადაც პოლიციელი გააშარჟეს. პირველი ინსტანციის სასამართლოს გადაწყვეტილება აღკვეთის ღონისძიების სახით მათთვის  პატიმრობის შეფარდების თაობაზე, დაცვის მხარემ სწორედ  თბილისის სააპელაციო სასამართლოში გაასაჩივრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა