საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამების ფარგლებში, საქართველოს უზენაეს სასამართლოში, სკოლის მოსწავლეებისთვის იმიტირებული სასამართლო პროცესები ჩატარდა.

ცენტრის ინფორმაციით, მასში თბილისის 10 სკოლის 140-მდე მოსწავლე ჩაერთო.

პროექტის ფარგლებში, თავდაპირველად, მონაწილეებს იმიტირებული პროცესის სპეციფიკის, სისხლის სამართლისა და განსახილველი საქმის შესახებ შესაბამისი ტრენინგებიც ჩაუტარდათ. საინფორმაციო შინაარსის ტრენინგების შემდეგ, მონაწილეები  გადანაწილდნენ შესაბამისი როლების მიხედვით და გადაეცათ იმიტირებულ პროცესზე განსახილველი საქმე. პროცესზე ,,დაცვის მხარეს“ და ,,ბრალდების მხარეს“  სკოლის მოსწავლეები წარმოადგენდნენ, „ნაფიცმსაჯულების" როლი კი სტუდენტებმა მოირგეს. იმიტირებულ პროცესზე განზრახ მკვლელობის მუხლით აღძრული საქმე განიხილეს. ფინალურ ეტაპზე ნაფიცმსაჯულებმა, გამამართლებელი განაჩენი გამოიტანეს.

ჟიურიმ, შესაბამისი კრიტერიუმების გათვალისწინებით, სკოლებს შორის შეჯიბრში საუკეთესო  გუნდი და მონაწილეები გამოავლინა. პირველი ადგილი ქართველ იუნკერთა სახელობის ქალაქ თბილისის 52-ე საჯარო სკოლას ერგო. გამარჯვებულ გუნდს, ასევე, ,,საუკეთესო პროკურორებსა“ და ,,საუკეთესო ადვოკატებს“ სიგელები, სამართლის თემაზე შექმნილი სახელმძღვანელოები და წიგნის შესაძენი სასაჩუქრე ვაუჩერები, გამომცემლობიდან - „წიგნები ბათუმში“ გადაეცათ; იმიტირებული სასამართლო  პროცესის ყველა მონაწილე სერტიფიკატით დაჯილდოვდა.

პროექტის მიზანია მესამე და მეოთხე საფეხურის სკოლის მოსწავლეებში ადვოკატირების უნარ-ჩვევების გამომუშავება, ანალიტიკური და კრიტიკული აზროვნების განვითარება,  მართლმსაჯულების, სასამართლოს საქმიანობის შესახებ ცნობიერების ამაღლებას.

საქართველოს იუსტიციის სამინისტროს სსიპ „დანაშაულის პრევენციის  ცენტრის“  ერთერთი მნიშვნელოვანი მიმართულებაა სკოლის მოსწავლეებში სამოქალაქო ცნობიერების ამაღლება, მოხალისეობრივი საქმიანობის წახალისება, შემოქმედებითი ინიციატივების განვითარება და დამოუკიდებელი აზროვნების ხელშეწყობა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა