ეკონომიკისა და მდგრადი განვითარების სამინისტროს სახელმწიფო პროგრამის „აწარმოე საქართველოში“ სასტუმრო ინდუსტრიის განვითარების  კომპონენტის ამოქმედებიდან პროგრამას უკვე 24-ე ბენეფიციარი ჰყავს. ამჟამად კი ქალაქ თელავში პირველი ბრენდული 4 ვარსკვლავიანი სასტუმრო „Holiday Inn“ გაიხსნება.

აღსანიშნავია, რომ კომპანიას გაფორმებული აქვს ხელშეკრულება მსოფლიოში ცნობილ სასტუმროების ჯგუფთან IHG (Intercontinental Hotel Group) რომელიც ითვალისწინებს ცნობილი ბრენდის Holiday Inn-ის ფრენჩაიზის ლიცენზიას. ამასთანავე, აღსანიშნავია, რომ სასტუმროში 70 ადამიანი დასაქმდება, ხოლო სასტუმროს მმართველი საერთაშორისო კომპანია T3 Hospitality Management, მომსახურე პერსონალისთვის ჩაატარებს ინტენსიურ ტრენინგებს და სასტუმროს ამოქმედების დღიდან აქტიურად უზრუნველყოფს კადრების მუდმივ განვითარებას, რაც სამომავლოდ მომსახურების მაღალ ხარისხზე აისახება.

პროგრამის „აწარმოე საქართველოში“ მხარდაჭერით სასტუმროში 85 ოთახი, ღია საცურაო აუზი, ფიტნეს ცენტრი, მასაჟისა და ორთქლის ოთახი, 2 რესტორანი და 3 საკონფერენციო დარბაზი გაიხსნება. ამასთანავე, პროექტის ფარგლებში დაგეგმილია ცნობილი სარესტორნო ქსელის „კახელები“ პირველი რეგიონალური პროექტის გახსნა, რომლის მომსახურების და სანიტარული უსაფრთხოების სტანდარტები სრულად შეესაბამება საერთაშორისო ბრენდის მოთხოვნებს.

ახალი სასტუმრო, რომელიც კახეთში, ქ. თელავში, რუსთაველის #2-ში გაიხსნება, 2018 წლის ზაფხულიდან ამოქმედდება და ხელს შეუწყობს როგორც ადგილობრივი მოსახლეობის დასაქმებას, ასევე საქართველოში ტურიზმის სფეროს განვითარებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო