დეკანოზ გიორგი მამალაძის ადვოკატებს  საპატრიარქოს იურისტის ედიშერ ქარჩავას წინააღმდეგ თბილისის საქალაქო სასამართლოში სარჩელი შეაქვთ.

ამის შესახებ  „ექსპრესნიუსს“ დეკანოზის ადვოკატმა გიორგი  ფანცულაიამ განუცხადა.

"ორი კვირის განმავლობაში მზადდებოდა სარჩელი. თბილისის საქალაქო სასამართლოში დეკანოზის მიმართ ცილისწამების, პატივის, ღირსების შელახვის თაობაზე სარჩელი ამ დღეებში, შეიძლება ხვალაც შევიდეს, არ არის გამორიცხული“,-განაცხადა ადვოკატმა.

რაც შეეხება 30 მაისს სახალხო დამცველის სასამართლო პროცესზე არ დაშვებას, ფანცულაიამ აღნიშნა, რომ ომბუდსმენს ყველანაირი სამართლებრივი უფლება აქვს ხვალინდელ პროცესებს დაესწროს.

„მე როგორც ინფორმაცია მაქვს სახალხო  დამცველმა წერილობით მიმართა სასამართლოს, სამართლებრივად დასაბუთებულად. იმედი მაქვს, რომ ამ სამართლებრივ დასაბუთებაზე კანონიერ  გადაწყვეტილებას გამოიტანს მოსამართლე და მიეცემა საშუალება, რომ ხვალიდან დაესწროს პროცესებს. იურიდიულად ყველანაირი უფლება აქვს სახალხო დამცველს, რომ დაესწროს აღნიშნულ პროცესებს“, - აღნიშნა  ფანცულაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია: ჩვენ სრული გეოპოლიტიკური კატასტროფის წინაშე ვდგავართ

არაღჩი: თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში

POG: მუქარის განხორციელების ფაქტზე ლაზარე გრიგორიადისს ბრალდება წარედგინა

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს