აზერბაიჯანელი ჟურნალისტის მეუღლის ლეილა მუსტაფაევას განცხადებით, პროკურატურას მისი ქმრის გაუჩინარების საქმის გამოძიება გატაცებიდან 24 საათში უნდა დაესწრო. 

მუსტაფაევას შეფასებით, აფგან მუხთარლის საქმეს სამართლიანად არ იძიებენ, ამიტომ ის არ გამორიცხავს, რომ სტრასბურგის სასამართლოს მიმართონ. 

ის პროკურატურას უმოქმედობაში ადანაშაულებს. 

"პროკურატურა შეფერხებით მუშაობს. საქმის სამართლიანი გამოძიებით დაინტერესების შემთხვევაში, უწყებას ძიება ჩემი მეუღლის გატაცებიდან 24 საათის შემდეგ უნდა დაეწყო. 10 დღე გავიდა და სამართალდამცავებისგან ამ დრომდე არ მიგვიღია ინფორმაცია გამოძიების მსვლელობის შესახებ. პროკურატურისგან ამ დრომდე ველოდებით პასუხს ჩვენს მოთხოვნაზე“, - განაცხადა მუსტაფაევამ.

რაც შეეხება პრემიერის განცხადებას, რომლის თანახმადაც აზერბაიჯანელი ჟურნალისტის საქმეში საქართველოს სახელმწიფოს სტრუქტურების მონაწილეობა გამორიცხულია, მუსტაფაევას თქმით, გიორგი კვირიკაშვილის ეს განცხადება კითხვის ნიშნებს ბადებს.

"პრემიერ-მინისტრმა პატივი უნდა სცეს კანონს და უნდა დაელოდოს გამოძიების დასრულებას. კითხვა ისმის, საიდან იცის პრემიერმა ამის შესახებ. ვფიქრობ, რომ ის ცდილობს, გავლენა მოახდინოს გამოძიებაზე. მისი განცხადების შემდეგ, მე არ მაქვს სამართლიანი გამოძიების იმედი. ისმის კითხვა, რატომ ღელავს პრემიერი და რატომ აკეთებს მსგავს განცხადებას. ეს ნიშნავს იმას, რომ ქართული მხარე თანამშრომლობს აზერბაიჯანის მთავრობასთან“, - განაცხადა ლეილა მუსტაფაევამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს

ზელენსკიმ რუსეთსა და უკრაინას შორის მოლაპარაკებების აზერბაიჯანში გამართვა შესთავაზა

მაკრონი: ევროპელებმა უნდა აღიარონ, რომ აშშ, ჩინეთი და რუსეთი ახლა ჩვენს წინააღმდეგ არიან

ზელენსკი აზერბაიჯანში ალიევთან შესახვედრად ჩავიდა