მთავარი პროკურორის ირაკლი შოთაძის განცხადებით, გამოძიებამ საპატრიარქოს იურისტი ედიშერ ქარჩავა დაკითხა.

როგორც შოთაძემ ჟურნალისტებს განუმარტა, ქარჩავა მამა გიორგი მამალაძის სავარაუდო თანამზრახველების გამოვლენის მიზნით დაწყებული გამოძიების ფარგლებში დაიკითხა.

მთავარი პროკურორის თქმით, მათთვის მნიშვნელოვანია ყველა ინფორმაცია, რაც ვრცელდება.

„ედიშერ ქარჩავა დაიკითხა გამოყოფილ სისხლის სამართლის საქმეზე, იცით, რომ გამოძიებას გამოეყო თავის დროზე საქმე და შესაძლო თანამონაწილეების, ასევე სხვა პირების მიმართ მიმდინარეობს გამოძიება. ჩვენთვის მნიშვნელოვანია ყველა ინფორმაცია და ყველას გადავამოწმებთ“,– აღნიშნა ირაკლი შოთაძემ და დასძინა, რომ ე.წ ციანიდის საქმეში არავითარი პირადი ცხოვრების საიდუმლოების კადრი არ არსებობს.

ამასთან, ჟურნალისტის კითხვაზე რა მიზეზით ენიშნება პატრიარქს ერთი ახალი დაცვა, შოთაძემ უპასუხა, რომ მისთვის მიზეზები უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ

შანხაი-თბილისის მიმართულებით პირდაპირი ფრენები იწყება

ნატო უარყოფს ესპანეთის წევრობის შეჩერებას აშშ-ის მუქარის შემდეგ

რუსმა მდიდარმა პირებმა ახალ ზელანდიაში ბუნკერების ყიდვა დაიწყეს