ქარჩავა: წერილობითი მტკიცებულება გამაჩნია, რომ მეუფე პეტრეს პატრიარქის ტახტიდან ჩამოშორება უნდა

2017-05-30 10:34:14, 2396 ნახვა

სამართალი კომენტარი

„წერილობითი მტკიცებულება გამაჩნია, რომ მეუფე პეტრეს პატრიარქის ტახტიდან ჩამოშორება და მოკვდინება უნდა“,-ამის შესახებ საპატრიარქოს იურისტმა ედიშერ ქარჩავამ ჟურნალისტებს განუცხადა.

ჟურნალისტების კითხვაზე, თუ რა გზით აღმოჩნდა მის ხელში მამხილებელი მტკიცებულება, იურისტმა პასუხისგან თავი შეიკავა.

„გამაჩნია მტკიცებულებები და თუ წმინდა სინოდის წევრები დაინტერესდებიან ამის შესახებ, მე შემიძლია მტკიცებულებები მათ წარვუდგინო და დავუმტკიცო, რომ ის ებრძვის პატრიარქს, უნდა მისი საპატრიარქო ტახტიდან ჩამოშორება და მისი მოკვდინება. ეს არის წერილობითი მტკიცებულება და ასევე ის ინფორმაცია, რომელიც მე გამაჩნია. საიდან გამაჩნია, ამ ინფორმაციას გავანდობ მხოლოდ და მხოლოდ ეპისკოპოსებს, იმ დაინტერსებულ პირებს, ვინც მე მომმართავს“,-განაცხადა ქარჩავამ.

იურისტის განცხადებით, აღნიშნული ე.წ. ციანიდის საქმეს პირდაპირ არ უკავშირდება, თუმცა არაპირდაპირ კავშირი არსებობს.

„ციანიდის საქმესთან პირდაპირი კავშირი არ აქვს, არაპირდაპირი არის ის, რომ მეუფე პეტრე თავისი ადვოკატით იცავს მამა გიორგი მამალაძეს“, -დასძინა ქარჩავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან