ვენეციის კომისიის მდივანის თომას მარკერტის განცხადებით, საკონსტიტუციო ცვლილებები წინგადადგმული ნაბიჯია.

როგორც მარკერტმა ბერლინში კონსტიტუციის პროექტის განხილვაზე განაცხადა, თუ მოხერხდება საზოგადოებაში კონსესუსის მიღწევა, საქართველო კარგ კონსტიტუციას მიიღებს. 

“საკონსტიტუციო ცვლილებები ნამდვილად წინგადადგმული ნაბიჯია და თუ თქვენ შეძლებთ, საზოგადოებაში კონსესუსის მიღწევას სხვადასხვა საკითხზე, ვფიქრობ, იქნება ძალიან კარგი კონსტიტუცია,- აღნიშნა თომას მარკერტმა.

მისივე თქმით, ვენეციის კომისია საკონსტიტუციო რეფორმის პროცესს პოზიტიურად აფასებს. 

"როგორც იცით, ვენეციის კომისია დასკვნას 16 ივნისს მოამზადებს. ჩვენ ძალიან პოზიტიური დამოკიდებულება გვაქვს მთლიანი პროცესის მიმართ. ვფიქრობთ, რომ ახალი კონსტიტუცია იქნება წინგადაგმული ნაბიჯი. მნიშვნელოვანია, რომ იყოს კონსესუსი საზოგადოებასა და პოლიტიკურ პარტიებს შორის, რათა ახალი კონსტიტუცია გრძელვადიანად მოქმედი იყოს“,- განაცხადა თომას მარკერტმა. 

რაც შეეხება პრეზიდენტის არჩევის წესსა და მანდატების განაწილების სისტემას, მარკერტმა აღნიშნა, რომ მნიშვნელოვანია, აღნიშნულ საკითხებზე კონსესუსი არსებობდეს. 

„ვფიქრობ, ძალიან მნიშვნელოვანია, რომ ამ საკითხებზე კონსესუსი იქნას მიღწეული. უნდა აღვნიშნოთ, რომ მომდევნო საპრეზიდენტო არჩევნები პირდაპირი არჩევნების წესით ჩატარდება, რაც, ვფიქრობ, რომ კომპრომისისთვის მზაობას აჩვენებს. რაც შეეხება მანდატების გადანაწილებას, დისკუსია ისევ გრძელდება და ვფიქრობ, რომ უნდა გავითვალისწინოთ მოქმედი უმრავლესობის მზადყოფნა, რაც ძალიან პოზიტიური ნიშანია“, - განაცხადა თომას მარკერტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა