სტიქიის გამო, იმერეთის სამხარეო ადმინისტრაცია მუშაობის საგანგებო რეჟიმზე გადავიდა. 

ამის შესახებ ჟურნალისტებს იმერეთის გუბერნატორის მოადგილე სოსო ხახალეიშვილმა განუცხადა.

სტიქიის ზონაში მობილიზებულია სპეციალური ტექნიკა, ეტაპობრივად მიმდინარეობს გაწმენდითი სამუშაოები, თუმცა უამინდობის გამო, ტექნიკის მუშაობა ფერხდება.

იმერეთის რეგიონში მოსული უხვი ნალექის შედეგად მიყენებული ზარალის დათვლა გამოდარებისთანავე დაიწყება.

სინოპტიკოსები უამინდობას კიდევ რამდენიმე დღე პროგნოზირებენ.

შეგახსენებთ, ძლიერი წვიმისა და სეტყვის შედეგად, საქართველოს რამდენიმე რეგიონი დაზარალდა. განსაკუთრებით მძიმე პრობლემები სტიქიამ ლაგოდეხისა და წყალტუბოს რაიონების  სოფლებს  შეუქმნა.

კერძოდ კი,ძლიერმა წვიმამ  ლაგოდეხის რაიონის სოფლებში გაანადგურა  ვენახები და სასოფლო-სამეურნეო სავარგულები, ასევე დატბორილია რამდენიმე ოჯახის საცხოვრებელი სახლის  სარდაფები. 

უხვი ნალექის გამო, მდინარე რიონი ადიდდა და კალაპოტიდან გადმოვიდა. მდინარის წყალმა წყალტუბოს რაიონის სოფელი ჟონეთი დატბორა. გადაუღებელი წვიმის გამო, დაიტბორა ეზოები და საცხოვრებელი სახლების პირველი სართულები. ადგილზე სამაშველო სამსახურის ჯგუფები მუშაობენ.

ამასთან, გორის რაიონის სოფელ სობისში ძლიერმა ქარმა ათამდე საცხოვრებელ სახლს სახურავი გადახადა.

არსებული ინფორმაციით, გადაუღებელი წვიმის გამო, წყალი რამდენიმე სახლში შევიდა. მოსახლეობა ადგილობრივ ხელისუფლებას დახმარებას სთხოვს.

 გორის რაიონის სოფელ ჯარიაშენსა და ვარიანში ძლიერი სეტყვაც იყო, რის შედეგადაც ნათესები დაზიანდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა

კობახიძე: ნიშვნელოვანია, დაუსჯელი არ დარჩეს ძალის გადამეტების არც ერთი შემთხვევა - გუშინდელი დაკავებაც ამის დასტურია

ზურაბ ჯაფარიძე: ხელისუფლებამ ძალადობის წინააღმდეგ ბრძოლა მოაწყო აშშ-ის დელეგაციის ვიზიტთან დაკავშირებით