პარლამენტის თავმჯდომარე ირაკლი კობახიძე ფილარმონიის დიდ საკონცეტრო დარბაზში ამ დრომდე ვერ ახერხებს საკონსტიტუციო პროექტის საყტოველთაო-სახალხო განხილვაზე საუბრის დაწყებას. 

პარლამენტის თავმჯდომარე  კონსტიტუციაზე საუბრის დაწყების საშუალებას დარბაზში შეკრებილი ახალგაზრდების გარკვეული ჯგუფი არ აძლებს. 

კობახიძემ მათ კიდევ ერთხელ მიმართა და მოუწოდა, რომ პროვოკაციებისგან თავი შეიკავონ. 

დარბაზში ახალგაზრდები შეძახილებით და სტვენით სკანდირებენ. 

„თუ თქვენი ამოცანა არის მხოლოდ დესტრუქცია, ამ შემთხვევაში მე კიდევ ერთხელ მინდა გთხოვოთ, რომ პროვოკაციებისგან თავი შეიკავოთ. სამწუხაროა, რომ რამდენიმე ათეული ახალგაზრდა კომუნისტი არ აძლევს 2500 კაცს იმის საშულებას, რომ  განიხილოს საქართველოს კონსტიტუცია. 
მე მინდა გითხრათ, რომ თქვენ აირჩიეთ არასწორი ნიშა. ილია ჭავჭავაძის ქვეყანაში კომუნისტების ადგილი არ არის. ეს მინდა თქვენ გითხრათ. ახალგაზრდებო მინდა მოგიწოდოთ დაადგეთ იმ გზას, რომელსაც დაადგა ილია ჭავჭავაძე.  ეს არის სწავლის გზა, განათლების გზა. თქვენ აირჩიეთ კომუნიზმის გზა, ეს არ არის სწორი გზა. ასე არ შეიძლება თქვენი გზა გაგრძელდეს. მოგიწოდებთ იაროთ ცოდნის გზით, სწავლის გზით, ილია ჭავჭავაძის გზით. კომუნიზმი საქართველოში დამთავრდება მადლობა ღმერთს და ამ გზას ჩვენ არასოდეს დავუბრუნდებით. ახალგაზრდა კომუნისტების ადგილი საქართველოში არასოდეს არ იქნება“, - მიმართა მათ კობახიძემ.

ცნობისთვის, საკონსტიტუციო ცვლილებების სახალხო განხილვების პირველი ეტაპი დღეს თბილისში დასრულდება.საკონსტიტუციო ცვლილებების სახალხო განხილვების პირველი ეტაპი დღეს თბილისში დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე