2017-05-09 12:24:53, 2001 ნახვა

---

ვოლსკი: „ღამის მგლების“ მიმართ შიშის თუ საფრთხის ჩამოყალიბება - ტურები არიან თუ მგლები - ჩვენ არ გვეკადრება

"ღამის მგლების" მიმართ შიშის თუ საფრთხის ჩამოყალიბება - ტურები არიან თუ ღამის მგლები - არ გვეკადრება და ყველაფერს უნდა ღირსეულად შევხვდეთ", - ამის შესახებ ჟურნალისტებს საპარლამენტო უმრავლესობის წევრმა გიორგი ვოლსკიმ, რუსი ბაიკერების საქართველოში ვიზიტის კომენტირებისას განუცხადა.

დეპუტატი ე.წ. ღამის მგლების ქმედებას პროვოკაციულად აფასებს.

"ვფიქრობ, მთელი საქართველოს საზოგადოება არის უკმაყოფილო იმით, რომ საქართველოში ჩამოსულ ტურისტს ინფორმაცია გააჩნია იმის შესახებ, რომ მათი მოქმედებები პროვოკაციულია, გარკვეულ დაძაბულობას და დაპირისპირებას იწვევს და მაინც არ ეპუებიან განწყობას მასპინძელი ქვეყნის. მაგრამ "ღამის მგლების" მიმართ შიშის თუ საფრთხის ჩამოყალიბება - ტურები არიან თუ ღამის მგლები - ჩვენ არ გვეკადრება და ყველაფერს უნდა ღირსეულად შევხვდეთ",- განაცხადა ვოლსკიმ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი