2017-05-04 20:24:03, 2090 ნახვა
სამართალი
სასამართლომ ჯიხაშკარის საარჩევნო უბნების დარბევაში ბრალდებულს სამწლიანი პირობითი სასჯელი შეუფარდა
ზუგდიდის რაიონულმა სასამართლომ ჯიხაშკარის 79-ე და 108-ე საარჩევნო უბნების დარბევაში ბრალდებულ გია მხეიძეს სამწლიანი პირობითი სასჯელი შეუფარდა.
თავდაპირველად, გია მხეიძე დაკავებული იყო. მას 2-თვიანი პატიმრობა ჰქონდა შეფარდებული. მოგვიანებით პატიმრობა 10 000 ლარიან გირაოთი შეეცვალა.
შეგახსენებთ, რომ ჯიხაშკარის საარჩევნო უბნები გასული წლის 8 ოქტომბრის საპარლამენტო არჩევნების ღამეს, ხმების დათვლის პროცესში დაარბიეს. ჯიხაშკარის ინციდენტისას საერთაშორისო დამკვირვებლები დაშავდნენ. საქმეზე გია მხეიძის გარდა, კიდევ ორი პირია ბრალდებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
