ბორდოში, ღვინის მსოფლიო ცივილიზაციის ცენტრში, საქართველო პირველად იქნება წარმოდგენილი, როგორც მასპინძელი ქვეყანა. ამის  შესახებ მთავრობის სხდომის დაწყებამდე პრემიერ-მინისტრმა გიორგი კვირიკაშვილმა განაცხადა.

კვირიკაშვილის შეფასებით, საქართველოსთვის ეს ძალიან მნიშვნელოვანი მოვლენაა, რომლის დროსაც ქვეყანა საუკეთესო კუთხით უნდა წარმოჩნდეს:

„მინდა ხაზი გავუსვა ძალიან მნიშვნელოვან მოვლენას. ბორდოს ღვინის მსოფლიო ცივილიზაციის ცენტრში წელს პირველად ბორდოს ცენტრისთვისაც და საქართველოსთვისაც იმართება ღვინის ცივილიზაციის გამოფენა. საქართველო არის მასპინძელი, როგორც ღვინის ცივილიზაციის აკვანის ქვეყანა,ღვინის ქვეყანა, სადაც ეს კულტურა შეიქმნა. მე ვფიქრობ, რომ ეს არის ძალიან მნიშვნელოვანი მოვლენა, რომ ივლისის ბოლოდან ოქტომბრის ჩათვლით ბორდო და ბორდოსთან ერთად საქართველო უმასპინძლებს ძალიან მნიშვნელოვან გამოფენას, სადაც გაიმართება სხვადასხვა საინფორმაციო წარმოდგენები, იქნება მაქსიმალური ინფორმაცია ჩვენი ქვეყნის შესახებ, ჩვენი უძველესი კულტურის შესახებ, ღვინის კულტურის, ხელოვნების შესახებ. ამ წარდგენას ხელმძღვანელობს სოფლის მეურნეობის მინისტრი და ჩვენი ქვეყნისთვის მისი განსაკუთრებული მნიშვნელობიდან გამომდინარე, მინდა, კიდევ ერთხელ ყველა უწყებას ვთხოვო, მაქსიმალურად ითანამშრომლოს ბატონ ლევან დავითაშვილთან, რათა საუკეთესო კუთხით იქნას წარმოჩენილი საქართველო. ამას ძალიან დიდი მნიშვნელობა აქვს ჩვენი ქვეყნის საერთშორისო ცნობადობის ამაღლების კუთხით, ჩვენი უძველესი კულტურის გაცნობის კუთხით. ეს არის დიდი მიღწევა, რომ ბორდოში ღვინის მსოფლიო ცივილიზაციის ცენტრში ჩვენ ვართ მასპინძლები პირველი საგამოფენო წლის განმავლობაში, მთელი სამი თვის განმავლობაში.ეს არის ძალიან დიდი მიღწევა და მინდა ყველას მოგილოცოთ. ასეთი რამ შეიძლება თუნდაც რამდენიმე წლის წინ წარმოუდგენელი იყო და დღეს ეს არის შესაძლებელი. კიდევ ერთხელ ვამბობ, რომ ეს არის მნიშვნელოვანი მიღწევა. ჩვენმა ქვეყანამ ბოლო 20 წლის განმავლობაში დიდი ნაბიჯები გადადგა ამ მიმართულებით. პირველი ნაბიჯი კომპანია „ჯივიესის“ მხრიდან 1999 წელს ლონდონში საქართველო გამოიფინა, როგორც ღვინის აკვანი და ამის შემდეგ დიდი სამუშაო იქნა გაწეული ღვინის ინდუსტრიაში, ქვეყნის საერთაშორისო ცნობადობის ამაღლების კუთხით და დაგვირგვინება გახლავთ მართლაც ის, რომ ქვეყანაში, რომელიც ძალიან სელექტიურია ასეთი გადაწყვეტილებების მიღების დროს, ქალაქში, რომელიც მართლაც არის ძალიან მაღალი სტანდარტების ამ კუთხით, ჩვენ ვართ მასპინძელი ქვეყანა. ეს არიას მართლაც დიდი წარმატება და მინდა კიდევ ერთხელ მოგიწოდოთ, ითანამშრომლოთ მაქსიმალურად ყველა უწყებამ. ლევანთან მუშაობს ჯგუფი, რომელიც ყოველდღიურად ემზადება საქართველოს დღეებისთვის და კიდევ ერთხელ გილოცავთ ამ დიდი მოვლენას“,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო