დეკანოზ მამა გიორგი მამალაძის ადვოკატი მიხეილ რამიშვილი „ექსპრესნიუსთან“ ე.წ. ციანიდის საქმეზე პროკურატურის მიერ გამოქვეყნებულ  გამოძიების შედეგებს აბსურდს უწოდებს.

მისი თქმით, შორენა თეთრუაშვილის თანამდებობა არ იძლევა საშუალებას, მან ვინმე სამსახურიდან  მოხსნას, ან დანიშნოს. რამიშვილის განმარტებით, ეს პატრიარქის გადასაწყვეტია. სწორედ აქედან გამომდინარე, ადვოკატი  არ იზიარებს გამოძიების ინფორმაციას, რომ მამა გიორგი მამალაძე პატრიარქის მდივან-რეფერენტის შორენა თეთრუაშვილის  განზრახ მკვლელობას ამზადებდა ანგარებით, თანამდებობრივი მდგომარეობის და მატერიალური სარგებლის შენარჩუნების მოტივით.

„ეს არის აბსურდი იმიტომ, რადგან შორენა თეთრუაშვილს არანირი თანამდებობა არ აქვს, რომ ის წყვეტდეს, ვინ მოხსნას სამსახურიდან და ვინ დანიშნოს , ეს არის პატრიარქის  გადასაწყვეტი. აქ არანაირი ცვლილება არ  არის. იგივე მტკიცებულებებია, რაც იყო. (ვიდეოში) ასახული კი არის გიორგი მამალძე, მაგრამ ადამიანის ადამიანზე აუგად მოხსენიება ანგარებას არ ნიშნვს ხომ?! კრგად დაუკვირდეს შემდეგ ვინც მოისმენს, მოსამართლე იქნება, თუ საზოგადოება, ესე ნებისმიერი ადამიანი შეიძლება ვიღაცამ აუგად მოიხსენიოს და  იმას არ უნდა ვიწერდეთ. ის თუ დაადგინეს საერთოდ ვისგან შეიძინა? ეგ ვერ დაუდგენიათ და იმას ადგენენ ადამიანი ადამიანზე რას ფიქრობს?“,-განუცხადა „ექსპრესნიუსს“ მიხეილ რამიშვილმა.

წინასასამართლოს სხდომა თბილისის საქალაქო სასამართლოში 2017 წლის 5 მაისს ჩაინიშნა.

ადვოკატის თქმით, ყველანაირად ეცდებიან,  სასამართლო პროცესი  დახურული იყოს. თუმცა, მისივე განმარტებით, დაცვის მხარე  სასამართლო სხდომების საჯაროობას მოითხოვს.

ცნობისთვის, პროკურატურამ დეკანოზ მამა გიორგი მამალაძის საქმეზე გამოძიება დაასრულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ისრაელსა და ირანს შორის საჰაერო დარტყმების ერთკვირიანი შეჩერება გამოაცხადა

მიგრაციის დეპარტამენტის თანამშრომლებმა უცხო ქვეყნის 84 მოქალაქე საქართველოდან გააძევეს

ევროკავშირის ანგარიშის გამოქვეყნებამდე, ბოჭორიშვილი ამ ანგარიშს არასერიოზულს და ტყუილს უწოდებს

ბოჭორიშვილი: შეხვედრა, რომელსაც ითვალისწინებს ევროკავშირის რეგულაცია, გაიმართება სამუშაო დონეზე და ქართული მხარის მოლოდინია, რომ იქნება კონსტრუქციული