შიდა ავიაციისთვის განკუთვნილი საავიაციო საწვავი დღგ-სგან და აქციზისგან გათავისუფლდება

2017-04-25 13:05:24, 1583 ნახვა

საზოგადოება

საავიაციო საწვავის ის ნაწილი, რომელიც შიდაავიაციისთვის იქნება განკუთვნილი, დღგ-სგან და აქციზისგან გათავისუფლდება.

შესაბამისი ცვლილებები საგადასახადო კოდექსში შედის, რომლის შესახებაც პრემიერმა მთავრობის სხდომის დაწყებამდე ისაუბრა.

„ცვლილებათა პაკეტში შედის ისეთი მნიშვნელოვანი სტიმულები ცალკეული დარგებისთვის, როგორიცაა მაგალითად შიდა ავიაციის სტიმულირება. დღგ- სგან და აქციზისგან ვათავისუფლებთ საავიაციო საწვავის იმ ნაწილს, რომელიც შიდა ავიაციისთვის, ბორდზე მისაწოდებლად იქნება განკუთვნილი. ასევე, განკუთვნილი იქნება სხვადასხვა საჰაერო გადაყვანა-გადაზიდვასთან დაკავშირებული მომსახურებების გაწევისთვის. ცვლილება მიზნად ისახავს ტურიზმის ხელშეწყობას, ვინაიდან შიდა ავიაცია არის ძირითადი სუბსიდირებადი დარგი და ამ მიმართულებით საჭიროა განსაკუთრებული სტიმულები, რათა ჩვენ მაქსიმალურად გავაიოლოთ შიდა მიმოსვლა“,-განმარტა გიორგი კვირიკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან