შარტავას ქუჩაზე მშენებარე ობიექტიდან მუშა გადმოვარდა

2017-04-23 12:21:40, 1747 ნახვა

საზოგადოება

თბილისში, შარტავას ქუჩაზე მშენებლობაზე მუშა დაიღუპა.

საზოგადოებრივი მაუწყებლის ინფორმაციით, მამაკაცი სააკაძის მოედანზე სამშენებლო ობიექტიდან გადმოვარდა.

მათივე ინფორმაციით, ადგილზე სასწრაფო დახმარებისა და საპატრულო პოლიციის ბრიგადები მუშაობენ.

მშენებლობას შარტავას ქუჩაზე, სადაც უბედური შემთხვევა მოხდა, სამშენებლო კომპანია „x2 დეველოპმენტი“ ახორციელებს.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდართან დაკავშირებით გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან