საქართველოს საგარეო საქმეთა მინისტრის მიხეილ ჯანელიძის ინფორმაციით, საქართველოს მოქალაქეების უვიზოდ ევროკავშირის წევრ ქვეყნებში მოგზაურობა თავისუფლად და შეფერხების გარეშე მიმდინარეობს.

მინისტრის განმარტებით, არსებობს ცალკეული შემთხვევები, როდესაც მოქალაქეებს საქართველოში საბუთების მოუწესრიგებლობის გამო მოუწიათ დაბრუნება.

ჯანელიძემ მოსახლეობას კიდევ ერთხელ მოუწოდა ევროკავშირში მოგზაურობის პროცესში ყველა ნორმა დაიცვან.

"ჩემი ინფორმაციით პროცესი მიმდინარეობს ძალიან თავისუფლად. ჩვენი მოქალაქეების შესვლა და უვიზო რეჟიმით სარგებლობა მაქსიმალურად ხდება. არსებობს გარკვეული შემთხვევები, როდესაც დოკუმენტები არ არის წესრიგში, თუმცა ეს არის ცალკეული შემთხვევები. ამიტომ, ყველას კიდევ ერთხელ მოვუწოდებ, რომ გაითვალისწინონ ის პირობები, რასაც ჰქვია მიზნობრიობა ევროკავშირში შესვლის, უკან დაბრუნების შესაბამისი ბილეთი, ასევე ევროკავშირში ყოფნის პერიოდში მათი უზრუნველყოფის თანხა და დოკუმენტაცია, რომელიც ადასტურებს მათი იქ ყოფნის პერიოდში სასტურმოს ან მიმღები მხარის თანხმობას", - აღნიშნა მიხეილ ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის

ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება

ცხინვალის დე ფაქტო პრემიერ-მინისტრმა თანამდებობა დატოვა.

ბოჭორიშვილი - საქართველოს ტერიტორიის ოკუპაცია მთელი რეგიონისთვის უსაფრთხოების გამოწვევას წარმოადგენს