საერთაშორისო რესპუბლიკური ინსტიტუტის (IRI) მიერ ჩატარებული კვლევის თანახმად, საქართველოში გამოკითხულთა უმრავლესობას (88%) ყველაზე მეტად მართლმადიდებელი ეკლესიის საქმიანობა მოსწონს.

მეორე ადგილს 86%-ით ჯარი იკავებს, მესამე ადგილს 74%-ით ქართული მედია, მეოთხე ადგილს პოლიცია (59%), ხოლო მეხუთე ადგილს საქართველოს პრეზიდენტის ადმინისტრაცია (55%).

გარდა ამისა, გამოკითხულთა 52 %-ს განათლებისა და მეცნიერების სამინისტროს საქმიანობა მოსწონს, 45%-ს - პრემიერ-მინისტრის ადმინისტრაციის, 40%-ს ცენტრალური საარჩევნო კომისიის, 39-39%-ს მოსწონს სახალხო დამცველის აპარატისა და პარლამენტის საქმიანობა, 38% კი თვლის, რომ ყველა უკეთ მინისტრთა კაბინეტი მუშაობს.

რაც შეეხება სხვა ინსტიტუტებს, გამოკითხულთა ხმები ასე გადანაწილდა: ადგილობრივი ხელისულფება - 37%; პროკურატურა - 31%; სასამართლოები - 30%; სახელმწიფო რწმუნებულები - 24%; ეროვნული ბანკი - 21%; პოლიტიკური პარტიები - 20%; პროფკავიშრები - 13%.

საერთაშორისო რესპუბლიკურმა ინსტიტუტმა (IRI) საკუთარ ვებგვერდზე, საქართველოში ჩატარებული საზოგადოებრივი კვლევის ოფიციალური შედეგები დღეს გამოაქვეყნა.

გამოკითხვა საქართველოში, ოკუპირებული ტერიტორიების გარდა, 22 თებერვლიდან 8 მარტის პერიოდში ჩატარდა, გამოიკითხა 18 წელს ზემოთ 1501 რესპონდენტი, ცდომილება შეადგენს პლუს მინუს 2,5%.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა