სუპერმარკეტების ქსელი „სმარტი“ სოციალური საწარმოების სააღდგომო გამოფენა-გაყიდვას მასპინძლობს და შესაძლებლობას აძლევს ერთგულ მომხმარებელს წვლილი შეიტანოს სოციალური მეწარმეობისა განვითარებასა და შეზღუდული შესაძლებლობების მქონე ადამიანების, სოციალურად დაუცველი ჯგუფების, დევნილების და იმ პირების თანადგომაში განსაკუთრებულ ზრუნვას რომ საჭიროებენ.

„“სმარტისათვის“ ქართული წარმოების წახალისება და საზოგადოებაზე ზრუნვა კორპორაციული სოციალური პასუხისმგებლობის სტრატეგიის მნიშვნელოვანი მიმართულებებია. შესაბამისად, საქართველოში მოქმედი სოციალური საწარმოების გამოფენა-გაყიდვა არა მხოლოდ ჩვენი მცდელობაა საზოგადოების ცნობადობა ავამაღლოთ სოციალური მეწარმეობისა და მინი მნიშვნელობის შესახებ, არამედ შესაძლებლობაა ფართო საზოგადოებას ვაჩვენოთ მსგავსი საწარმოების და იქ დასაქმებული ადამიანების შესაძლებლობები და ბიზნესის წარმოების უნარები. „სმარტში“ ამ ეტაპზე სოციალური საწარმოების - „დავითიანნის“ და „ზესხოს“ ხის სათამაშოების და სვანური მარილის რეალიზაცია წარმატებით მიმდინარეობს. იმედს ვიტოვებთ, რომ სააღდგომო გამოფენა-გაყიდვაში მონაწილე სოციალური საწარმოებისათვის „სმარტის“ საგამოფენო სივრცე ახალი პარტნიორების მოძიების მნიშვნელოვანი შესაძლებლობა იქნება",-განაცხადა "ვისოლ ჯგუფის" საზოგადოებასთან ურთიერთობისა და კორპორაციული სოციალური პასუხისმგებლობის მენეჯერმა რუსუდან კბილაშვილმა.

“სმარტის“ ვაკის სუპერმარკეტში სოციალურმა საწარმოებმა: „დავითიანნმა“, „იკორთამ“ , „ბაბალემ“, „ფარშევანგმა“, „თანადგომამ“, „რეას ციყვებმა“, ორგანიზაციამ „ვიმეგობროთ“, "კავშირმა ადამიანებისთვის განსაკუთრებულ ზრუნვას რომ საჭიროებენ, "ტრადიციულმა მოდის სახლმა“ მომხმარებელს სააღდგომო თემატიკის ხელნაკეთი პროდუქციის ფართო არჩევანი შესთავაზეს.

„სმარტი“ გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. „ვისოლ ჯგუფმა“ „სმარტის“ ქსელის განვითარება 2010 წელს დაიწყო. „სმარტის“ სუპერმარკეტები დღესდღეობით წარმატებით ფუნქციონირებს თბილისში, აღმაშენებლის ხეივნის მე-13 კილომეტრზე, რუსთაველის გამზირზე, ვაკეში, საბურთალოზე, ვაზისუბნის მეორე მიკრორაიონში, კახეთის გზატკეცილზე, ბათუმში, გუდაურში, ზუგდიდში, მარნეულში, ახალციხეში, გორში, ყვარელსა და ჩქაროსნული ავტომაგისტრალის გორის მონაკვეთზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი