2017-04-03 19:53:47, 1771 ნახვა

---

ჯანელიძე პეტერბურგში მომხდარ აფეთქებაზე: დაზარალებული საქართველოს მოქალაქეების შესახებ ინფორმაცია არ გვაქვს

საგარეო საქმეთა მინისტრი პეტერბურგში მომხდარ აფეთქებას გამოეხმაურა და გარდაცვლილთა ოჯახებს მიუსამძიმრა.

როგორც მან ჟურნალისტებს განუცხადა, ყველა ტერორისტული აქტი ძალიან დიდ ზიანს აყენებს საერთო უსაფრთხოებას და მიმართულია მშვიდობიანი მოსახლეობის დაშინებისკენ. მიხეილ ჯანელიძემ ყველა ტერორისტული აქტი დაგმო. 

ამასთან, ჯანელიძეს ამ ეტაპზე არ აქვს ინფორმაცია დაზარალებული ქართველების შესახებ.

"ჩვენი შესაბამისი საკონსულო სამსახური მუშაობს ძალიან აქტიურად რუსეთის შესაბამის სამსახურებთან. ამ ეტაპზე, არანაირი დამადასტურებელი ინფორმაცია, რომ ქართველები დაზარალდნენ, არ გვაქვს. იმედი მაქვს, საქართველოს მოქალაქე არ იქნება დაზარალებული", - განაცხადა მინისტრმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი