2017-03-27 19:56:42, 2465 ნახვა
სამართალი
შსს-მ სომხეთის პოლიციის მიერ ძებნილი პირი დააკავა
შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ძებნის სამმართველოს თანამშრომლებმა, სომხეთის სამართალდამცავი ორგანოების წერილის საფუძველზე, მიმდინარე წლის 27 მარტს, სომხეთის რესპუბლიკის მოქალაქე, 1977 წელს დაბადებული რობერტ ა. დააკავეს.
უწყების ინფორმაციით, ის თბილისში, ნიკოლოზ ბარათაშვილის აღმართისა და ღვინის აღმართის გადაკვეთაზე აიყვანეს.
რობერტ ა. სომხეთის რესპუბლიკის პოლიციის სისხლის სამართლის სამძებრო მთავარი სამმართველოს მიერ, სომხეთის რესპუბლიკის სისხლის სამართლის კოდექსის 235-ე მუხლის მე-2 ნაწილით და 235,1 მუხლის მე-2 ნაწილის 1-ლი პუნქტით გათვალისწინებული დანაშაულისათვის იძებნებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
