2017-03-26 18:35:02, 1528 ნახვა

---

ლევან ყარამანიშვილი: ჩვენი განცხადება რომ კურიერის მიერ გაშუქებულიყო, კოლექტივი ბევრ უხერხულობას აცდებოდა

ლევან ყარამანიშვილი სოციალური ქსელის მეშვეობით განცხადებას ავრცელებს. ყარამანიშვილი უკმაყოფილებას გამოთქვამს იმასთან დაკავშირებით, რომ "მათი (ძმებ ყარამანიშვილების) გუშინდელი განცხადება, კურიერს პრაქტიკულად არ გაუშუქებია":

„სამწუხაროა, რომ ჩვენი გუშინდელი განცხადება, რომელიც 15:25-ზე გავრცელდა, პრაქტიკულად არ გაშუქებულა (მშრალად გავიდა 6 საათიანი კურიერის შუაში, თემის გაუშლელად, და საერთოდ არ გაშუქებულა 9 საათიან კურიერში). ეს იმ ფონზე, როცა გენერალური დირექტორის მიერ მოწვეულ თათბირს ამხელა დრო დაეთმო ეთერში. ჩვენი განცხადება რომ გაშუქებულიყო, საზოგადოება და ჩვენი კოლექტივი ბევრ უხერხულობას აცდებოდა (პირველ რიგში, ზემოხსენებული თათბირის კონტექსტში). ამიტომ, ხელახლა, უცვლელად ვავრცელებთ ჩვენს გუშინდელ განცხადებას (სადაც ხაზს ვუსვამთ, რომ არანარი შუამავალი შპს-ს მონაწილეობა არ განიხილება) და ხვალიდან გადავდივართ კოლექტივთან პირდაპირი კონსულტაციების რეჟიმში“,-ნათქვამია ყარამანიშვილის განცხადებაში.

ამავე თემაზე

http://www.epn.ge/index.php?id=42447

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი