საქართველოს პრეზიდენტის გიორგი მარგველაშვილის განცხადებით, პრეზიდენტს აქვს შესაძლებლობა, მაღალი პოლიტიკური მანდატიდან გამომდინარე, დამაბალანსებელის როლი ითამაშოს, - ამის შესახებ გიორგი მარგველაშვილმა პრეზიდენტის არჩევის წესის კომენტირებისას განაცხადა. 

პრეზიდენტის თქმით, საზოგადოებას, რომელსაც აქვს უფლება, აირჩიოს პრეზიდენტი და ამ უფლებით არის აღჭურვილი ფაქტობრივად დამოუკიდებლობის პირველი დღეებიდან, ეს უფლება უნდა შეუნარჩუნდეს.

„საზოგადოებას ეს უფლება უნდა შევუნარჩუნოთ , რადგან პირველ რიგში ეს არის ჩვენი როგორც ამომრჩევლების უფლება. როდესაც მე რაღაც უფლებას ჩამომართმევ, ხომ უნდა ამიხსნა, რითი იქნება ჩემი ცხოვრება უკეთესი. პოლიტიკოსებში ბევრი განცხადებები მომისმენია, ერთი პერიოდი იმასაც ამბობდნენ, რომ ხალხს ნუ დავღლით არჩევნებზე წასვლით, არ გვინდაო, ისხდნენ სახლში წყნარად ტელევიზორებთან. ეს არგუმენტები კომიკურია. ჩვენი მოქალაქეობრივ უფლებას რომ მართმევ, უნდა მითხრა, რატომ მართმევ“, - განაცხადა გიორგი მარგველაშვილმა.

როგორც მარგველაშვილმა აღნიშნა, პრეზიდენტს აქვს უფლება, მაღალი პოლიტიკური მანდატიდან გამომდინარე დამაბალანსებლის როლი ითამაშოს. 

"შიდა კონსტიტუციურად თუ შევხედავთ, მაღალი პოლიტიკური მანდატი გვაძლევს უფლებას, რომ დამაბალანსებელ ფუნქციას, შენს უფლებას, განაცხადო ამა თუ იმ საკითხზე შენი აზრი, ჰქონდეს მაღალი წონა. თუ პრეზიდენტს 300 კაცი აირჩევს, თუ 400 კაცი აირჩევს, ასეთი მაღალი წონა არ ექნება ამ პრეზიდენტის პოზიციას და ფაქტობრივად პრეზიდენტი გაქრება ძალთა ბალანსიდან. ხელისუფლების ყველა ნაწილი  აუნდა იყოს დაბალანსებული ერთმანეთთან მიმართებაში და უნდა ჰქონდეს საპირწონე. თუ ჩვენ ამ სისტემიდან გავაქრობთ პრეზიდენტის ინსტიტუტს, ჩვენ ბევრი საკითხი ბალანსიდან ამოგვივარდება და ეს არის რეალური პრობლემა. ხალხს და საზოგადოებას უნდა ჰქონდეს რეალურად იმის უფლება, რომ თუნდაც პრეზიდენტის მეშვეობით პირდაპირი პოლიტიკური პოზიცია დაუფიქსიროს ხელისუფლების სხვდასხვა შტოს. განსაკუთრებით, როდესაც ხდება ამა თუ იმ შტოს მიერ ძალაუფლების მეტი კონცეტრაცია", - აღნიშნა პრეზიდენტმა. 

გიორგი მარგველაშვილის განცხადებით, ყველას აქვს უფლება, არჩევნებზე წავიდეს. 

"როდესაც პატივცემული კონსტიტუციონალისტები არჩევნებზე წასვლის უფლებას გართმევენ, ერთი სიტყვით მაინც უნდა გვითხრან, რითი იქნება ეს ჩვენთვის უკეთესი. მიმაჩნია, რომ რაც უფრო მეტი არჩევითია თანამდებობები, მით უფრო ახლოს არის ხელისუფლება ხალხთან", - განაცხადა მარგველაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის

ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება

ცხინვალის დე ფაქტო პრემიერ-მინისტრმა თანამდებობა დატოვა.

ბოჭორიშვილი - საქართველოს ტერიტორიის ოკუპაცია მთელი რეგიონისთვის უსაფრთხოების გამოწვევას წარმოადგენს